თარგმანი: თქუმულ არს უკუე ლოცვით თხოვაჲ არა-შესლვად განსაცდელსა. გარნა სადა იყოს ღონე კაცობრივითაცა ღონისძიებითა განრომისაჲ მისგან, არცა ესე განსაგდებელ არს, ვითარ-ესე აწ მოციქულმან დაიცვა თავი თჳსი, უმეტესისა ქადაგებისა და უმრავლესთა მოწაფეთა ცხოვნებისათჳს, რამეთუ მისდა მარადის საწადელ იყო განსლვაჲ ჴორცთაგან, მიახლებისათჳს ღმრთისა. ხოლო დადგრომასა ჴორცთა შინა ჩუენისა ცხორებისათჳს აღირჩევდა.
2 კორინთელთა მიმართ 11:33
32. დამასკეს შინა მთავარსა არეტა მეფისასა მოეცვა ქალაქი დამასკელთაჲ, შეპყრობაჲ ჩემი უნდა;33. და სარკუმლით სარგნითა გარდავჰჴედ ზღუდესა და განვერი ჴელთაგან მისთა.
2 კორინთელთა მიმართ თავი 11