2 ტიმოთეს მიმართ 3:9

...ამბობს: „ეგრეთცა ესენი უჴდებიან ჭეშმარიტებასა, კაცნი განხრწნილნი გონებითა, გამოუცდელნი სარწმუნოებითა. გარნა არა წარემატნენ უფროჲს“ (2 ტიმ 3:8–9). „რამეთუ უგუნურებაჲ მათი ცხად იყოს ყოველთადა, ვითარცა-იგი მათი იყო“ (2 ტიმ 3:9). ამბობს: „გარნა არა წარემატნენ“ (2 ტიმ 3:9). მაშ, როგორ ამბობს სხვაგან: „რამეთუ უმეტეს წარემატნიან უშჯულოებითა“ (2 ტიმ 2:16), აქ კი: „არა წარემატნენ“ (2 ტიმ 3:9)? იქ იმას ამბობს, რომ როცა სიახლის შემოტანასა და ცთუნებას დაიწყებენ, ცთომილებაში არ შეჩერდებიან, არამედ მუდამ ახალ მოტყუებებსა და გახრწნილ სწავლებებს გამოიგონებენ; რადგან ცთომილება არსად დგას. აქ კი იმას ამბობს, რომ ვერ მოატყუებენ და ვერ გაიტაცებენ, თუნდაც თავიდან ჩანდეს, თითქოს ზოგიერთს აცდენენ; მალე მაინც გამომჟღავნდებიან. რომ სწორედ ამის შესახებ ამბობს, მ...