დაბადებისა 16:1

...ელის სახით შთამომავლობაც მიანიჭა მას, ამგვარად, მართალს დიდ ნუგეშს აძლევდა და მოთმინებისთვის ჯილდოს ბოძებდა. ხოლო როცა ისმაელი დაიბადა, საღვთო წერილმა, სურდა რა პატრიარქის ასაკი ეჩვენებინა, მისი წლების ზუსტი რიცხვიც მიუთითა და თქვა: „ხოლო აბრაამ იყო ოთხმეოცჳდაექუსთა წელთა, რაჟამს უშვა აგარ ისმაელი აბრაამს" (დაბ 16:16). მაშ, ახლა ეს და შემდგომი გამონათქვამები განვიხილოთ და კვლავ დავინახოთ, რა დიდი იყო მართლის მოთმინება და რა დიდი და გამოუთქმელი — უფლის კაცთმოყვარეობა. ამას ნათლად დავინახავთ, თუ კვლავ ყურადღებას მივაქცევთ პატრიარქის ცხოვრების წლებსა და იმას, როგორ ყოვლადსახიერი ღმერთი მის ბედს განაგებდა, მუდმივად გამოცდებს უგზავნიდა თავის მორჩილს და ამით მის სულში ღვთის სიყვარულს ამჟღავნებდა. უფალი, რასაკვირველია, თავადვე ნათლად ხედავდა თავისი მორჩილის სათნოებას, მისი სულის სილამაზესა და მანვე კარგად იცოდა ამ მარგალიტის ფასი; მაგრამ სურდა იგი ყველა მისი თანამედროვისთვის ეჩვენებინა, რომ მომდევნო თაობებშიც მართლის სათნოება მსურველთ მოშურნეობისა და მიბაძვისკენ მიეზიდა. ამიტომ ღმერთი ნელ-ნელა ავლენს მართლის სულის სიმდიდრეს, რომ ჩვენც ვისწავლოთ — არასდროს დავკარგოთ რწმენა ღვთის აღთქმებისადმი და არ სასოწარვკვეთოთ მათი აღსრულების დაგვიანების გამო; დ...

...უნველობა, არამედ შეეცნო, რა მზრუნველობით სარგებლობდა მართლის თესლის გულისთვის, შეხედე, როგორ ანუგეშებს ანგელოზი, აღადგენს მის სულიერ ძალებს და საკმარის იმედს აძლევს სიხარულისას ამ დამატებული სიტყვებით. „და ჰრქუა მას ანგელოზმან უფლისამან: განმრავლებით განვამრავლო თესლი შენი და არა აღირაცხოდის სიმრავლისაგან" (დაბ 16:10). წინასწარ გიცხადებ, ამბობს, იმასაც, რომ შენი თესლი დიდი იქნება, ისე, რომ აღრიცხვაც შეუძლებელი იქნება. მაშ, ნუ სწუხხარ, ნუ უძლურდებდები სულით, ნუ იშფოთებ აზრებში, არამედ სრული მორჩილება გამოიჩინე. „აჰა შენ მუცელქმულ ხარ და ჰშვე ძე, და უწოდი სახელი მისი ისმაილ". იმისთვის, ამბობს, შობასაც წინასწარ გიცხადებ და სახელსაც ვუნიშნავ შენგან შესაშობ ძეს, რომ უფრო მეტი დარწმუნება მიიღო და უკან დაბრუნდე და თავის შეცდომებს გაასწორო. „რამეთუ შეისმინა უფალმან სიმდაბლისა შენისაჲ" (დაბ 16:11).

ვისწავლოთ აქედან, რა ნაყოფი მოაქვს განსაცდელებს და რა სარგებელი — უბედურებებს. ასე, როცა აგარი წავიდა სარასგან და მისი უბედურება გაიზარდა, როცა მრავალ მწუხარებას განიცდიდა მარტო, უდაბნოში, უკიდურესი გაჭირვების პირობებში, — მას შემდეგ, რაც ასეთი კეთილდღეობით სარგებლობდა, მას შემდეგ, რაც თავისი დედოფლის თანასწო...