დაბადებისა 27:4

...არ იყოს, რომ ძმის სიძულვილის გამო მიდის, რათა მამამაც არ შეიტყოს არც მისი წასვლის ნამდვილი მიზეზი და არც ესავის განრისხება მის მიმართ. და მოვიდა რა რებეკა ისაკთან, „ჰრქუა: მომეწყინა ცხორებაჲ ჩემი ასულთაგან ქეტის ძეთასა. უკუეთუ მოიყვანოს იაკობ ცოლი ასულთაგან ამის ქუეყანისათა, რომლისა-ღა არს ცხორებაჲ ჩემი?" (დაბ 27:46).

3. რებეკას გონიერი საბაბი და ისაკის კურთხევა (28:1–11)

შეხედე, რა საპატიო საბაბი იპოვა! როცა ზეციური მარჯვენა გეხმარება, ძნელიციც ადვილი ხდება და მძიმეც მსუბუქი. ვინაიდან მისი განზრახვა ღვთის ნებას შეესატყვისებოდა, ამიტომ ღმერთმაც მის გონებაში ჩადო ყოველივე, რაც მომავალ განგებულებასა და მისი ძის ცხონებას შეწეოდა. „მომეწყინა, — ამბობს, — ცხორებაჲ ჩემი ასულთაგან ქეტის ძეთასა. უკუეთუ მოიყვანოს იაკობ ცოლი ასულთაგან ამის ქუეყანისათა, რომლისა-ღა არს ცხორებაჲ ჩემი?" აქ, ჩემი აზრით, იგი ესავის ცოლების ცუდ ზნეობას გულისხმობს — სწორედ იმას, რომ ისინი მათთვის მრავალი მწუხარების მიზეზი იყვნენ. ზემოთ საღვთო წერილი გვეუბნებოდა, რომ ესავმა ცოლები ქეტელთაგან და ეველთაგან მოიყვანა და „იყვნეს მჴდომ ისაკისა და რებეკასა". სწორედ ამის შეხსენება რომ სურდა ისაკისთვის, რებეკა თითქოს ასე ეუბნება: შენ იცი, რამდენად მომწარა ცხოვრება ესავის...

...გასაჭირის შემდეგ ისეთ დიდებას მიაღწია, რომ მისი შთამომავლობა ურიცხვ სიმრავლემდე გავრცელდა და მთელ ხალხს მისი სახელი ეწოდა. ახლა კი საღვთო წერილი მისი ძმის ისეთ რისხვას გვიჩვენებს, რომ მკვლელობაცა კი ჩაიფიქრა, ამბობს: „და ძჳრსა უთქმიდა ესავ იაკობს კურთხევისა მისთჳს, რომლითა აკურთხა იგი ისაკ, მამამან მისმან“ (დაბ 27:41). ეს რომ არა უბრალო დროებითი რისხვა იყო, (წერილი) მისი ბოროტების განსაკუთრებულ ძალას მიუთითებს: „ძჳრსა უთქმიდა“, ამბობს, ანუ მუდმივად მტრობდა, ბოროტებაში ჯიუტობდა, ისე, რომ თავად მისი სიტყვებიდანაც აშკარა ხდებოდა მისი სულის სიღრმეში დაფარული განზრახვა. „და თქუა ესავ, — ნათქვამია, — გონებასა თჳსსა: მოიწინენ დღენი სიკუდილისა მამისა ჩემისანი და მოვკლა იაკობ, ძმაჲ ჩემი“ (დაბ 27:41). ჭეშმარიტად, განრისხებული ჭკუაზე არანაკლებ ცოფიანობს, ვიდრე თავად ეშმაკეულნი. შეხედე, როგორ შეიჭრა ეს ეშმაკი და ეშმაკეულთა მსგავსად გახელებულს ხდის და აიძულებს ყველაფერი აშკარას საწინააღმდეგოდ აკეთოს; ისინი არც ხედავენ რას საღად, არც აკეთებენ რას როგორც საჭიროა, არამედ ყველაფერს აკეთებენ, როგორც დაზიანებული გრძნობის ადამიანები, რომლებმაც თვით მსჯელობის უნარიც დაკარგეს. ასევე რისხვით ანთებულნიც ვერ იცნობენ გარ...