...ედისშვილებთან; ყველაფერში ენდობა მათ და დიდი გულუბრყვილობით ელაპარაკება; ისინი კი, შურით გატაცებულნი, მისადმი სიძულვილამდეც მიდიან. „და ვითარცა იხილეს ძმათა მისთა, რამეთუ მამასა უყვარს იგი უფროჲს ყოველთა ძეთა მისთა, — ნათქვამია, — მოიძულეს იგი ძმათა თჳსთა და ვერ ეძლო მათ მშჳდობისა სიტყუად მის თანა რაჲთურთით" (). შეხედე, როგორ იწყეს მისი სიძულვილი, მათ მიმართ არაფრით შეცოდებულისა. „და ვერ ეძლო მათ მშჳდობისა სიტყუად მის თანა რაჲთურთით". რას ნიშნავს: „ვერ ეძლო მათ მშჳდობისა სიტყუად"? რადგან ვნებამ დაისადგურა მათში და სიძულვილი დღითიდღე იზრდებოდა, ისინი, ამ ვნებით თითქოს ტყვედ ქცეულნი და დამონებულნი, ვერაგულად ექცეოდნენ მას, ასე, რომ ვერაფრის თქმას ვერ ახერხებდნენ მისთვის მშვიდობიანად. და შენიშნე, რომ წერილმა სიძულვილის წყაროც მიუთითა — ის, რომ შურისგან წარმოიშვა. „და ვითარცა იხილეს ძმათა, — ნათქვამია, — რამეთუ მამასა უყვარს იგი უფროჲს ყოველთა ძეთა მისთა". მამის სიყვარულმა იოსებისადმი შური გააღვივა; ამ სიყვარულს კი ჭაბუკის სათნოება იზიდავდა. მათ უნდა ძმისთვის შეეჯიბრათ, მისი ზნეობისთვის მიებაძათ, რომ თავადაც მამის სიყვარული მოეპოვებინათ; მაგრამ ეს გონებაშიც კი არ მოსვლიათ — პირიქით, ყველანი ერთად სიძულვილს ავლენდნენ ძმისადმი,...
დაბადებისა 37:4
3. ხოლო ისრაჱლს უყუარდა იოსებ უფროჲს ყოველთა ძეთა თჳსთა, რამეთუ შვილი სიბერისაჲ იყო იგი. და უქმნა მას სამოსელი ჭრელი მრავალფერი.4. და ვითარცა იხილეს ძმათა მისთა, რამეთუ მამასა უყვარს იგი უფროჲს ყოველთა ძეთა მისთა, მოიძულეს იგი ძმათა თჳსთა და ვერ ეძლო მათ მშჳდობისა სიტყუად მის თანა რაჲთურთით.5. ჩუენებაჲ იხილა იოსებ და უთხრა ძმათა თჳსთა.
დაბადებისა თავი 37