თარგმანი: ვინაჲთგან მოშიშ იყვნეს, ვითარმედ: ნუუკუე დატევებითა შჯულისაჲთა განვარდენ შვილებისაგან აბრაჰამისსა, ამისთჳს ჟამიერად ამასცა იჭუსა დაჰჴსნის, ვითარმედ: არა შჯულისა, არამედ სარწმუნოებისა მიერ იქმნების შვილებაჲ აბრაჰამისი.
გალატელთა მიმართ 3:7
6. ვითარცა აბრაჰამს ჰრწმენა ღმერთი და შეერაცხა მას სიმართლედ.7. უწყით-მეა, რამეთუ სარწმუნოებისაგანნი იგი არიან შვილნი აბრაჰამისნი?8. რამეთუ წინაწარ იცოდა წიგნმან, ვითარმედ სარწმუნოებითა განამართლებს წარმართთა ღმერთი, წინაწარ ახარა აბრაჰამს, ვითარმედ: შენდამი იკურთხეოდიან ყოველნი წარმართნი.
გალატელთა მიმართ თავი 3