თარგმანი: რაჲთა არა თქუან თუ — წინაჲსწარმეტყუელნიცა იტყოდეს და ღმერთიცა გჳწოდდა, გარნა ძნელოვანთა რათმე საქმეთა ეძიებდა ჩუენგან, და ამისთჳს ვერ მოვიქეცით, — ამისთჳს იტყჳს, ვითარმედ მადლისა ღმრთისაჲ არს ყოველივე და არაჲ საქმე არს საძიებელ პირველ ქმნული სარწმუნოებად მოსლვისათჳს, არამედ ნებაჲ. რამეთუ არცა რომელნი მოვიდეს სარწმუნოებად, პირველ ქმნულთა საქმეთა მადლითა მოვიდეს, არამედ ღმრთისა მადლითა, და მათდა ნებაჲ ოდენ საჴმარ იქმნა.
ჰრომაელთა მიმართ 11:6
5. ეგრეცა უკუე და აწცა ჟამსა ამას ნეშტი რჩევით მადლითა მით იქმნა.6. ხოლო უკუეთუ მადლით, არღარა საქმეთაგან; უკუეთუ არა, მადლი იგი არღარა შეირაცხების მადლად; უკუეთუ კულა საქმეთაგან, არღარა არს მადლი, ვინაჲთგან საქმე იგი არღარა არს საქმე.7. აწ უკუე რაჲ? რომელსა ეძიებს ისრაჱლი, ამას ვერ მიემთხჳა; ხოლო რჩეული იგი მიემთხჳა, და სხუანი იგი დაბრმეს.
ჰრომაელთა მიმართ თავი 11