...რტყამთ, ალბათ მცირე ხნით ვამწუხრებთ; ჩვენ კი ვეღარ ვიცოცხლებთ, ისევე როგორც ის არსებაც. თუმცა წერილი მას აქებს და ამბობს: „ანუ მივედ ფუტკრისა და ისწავე, ვითარ-იგი მოქმედ არს და ნაშრომი იგი მისი ვითარ კეთილად ქმნის, რომლისა ნაშრომსა მეფენი და გლახაკნი სიცოცხლედ მიიღებენ." (); მაგრამ ეს ყოველივე ვერ იცავს მას სიკვდილისგან; იგი მაინც აუცილებლად უნდა დაიღუპოს. თუ მას, როცა ბოროტად იქცევა, მისი სხვა უპირატესობაც კი ვერ იხსნის, მით უმეტეს ჩვენ ვერ გვიხსნის.
3. ვერცხლისმოყვარეობა და შვილთა ცრუ საბაბი
რამეთუ მართლაც უმძვინვარეს მხეცთა საქმეა, როცა არავინ გექცევა უსამართლოდ და შენ უსამართლობას იწყებ; უფრო კი, არც მხეცთა საქმეა ეს. მხეცებს თუ უდაბნოში საძოვრად გაუშვებ და შევიწროებით იძულებაში არ ჩააგდებ, არასოდეს დაგაზიანებენ, არც მოგიახლოვდებიან, არც გიკბენენ, არამედ თავის გზას გაუდგებიან; შენ კი, გონიერი ადამიანი, ესოდენი მთავრობითა და პატივითა და დიდებით პატივდებული, თანამოდგმეთა მიმართ მხეცებსაც არ ჰბაძავ, არამედ ძმას უსამართლოდ ექცევი და შთანთქავ? და...