იობისა 3:23

...რომ დაფარა, რომელიც იმდროინდელ ადამიანთა ცოდვებით დამძიმებული იყო და ყოველგვარ სიბილწეს ზიდავდა, და ურჯულო ადამიანთა ყოველგვარი ბოროტება აღკვეთა, გაწმინდა მიწა, რომელიც უწმინდური გამხდარიყო თავისი მცხოვრებთა ბოროტების გამო, ხოლო ისინი სასჯელით განასვენა: „რამეთუ სიკუდილი კაცისა განსუენებაჲ არს", — ამბობს წერილი (იობ 3:23). ახლა ხედავ, როგორ ხშირად ურწმუნოთა მეშვეობითაც წინასწარნიშნავს ღვთის განგება მომავალს? ასევე ამ მამამთავარსაც მშობლებმა სახელი დაარქვეს, წინასწარნიშნეს რა, რომ იგი გადმოსახლებული იქნებოდა და მდინარის გადალახვით უცხო მიწაზე წავიდოდა. მაშ, ამბობს ღმერთი აბრაამისადმი, თუ მშობლების მიერ მოცემული სახელი შენს იქიდან აქეთ გადასახლებას წინასწარნიშნავდა, მიიღე ამ სახელზე ასოს დამატება, იმის წინასწარნიშვნად, რომ მრავალი ხალხის მამა გახდები. შენიშნე, რა ზედმიწევნითია სიტყვები. არ თქვა: ყველა „თესლთა", არამედ მხოლოდ „მრავალთა". რადგან იყვნენ სხვა ხალხებიც, რომლებიც იქიდან განდევნილნი უნდა ყოფილიყვნენ, რომ მართლის შთამომავლობას თავისი მემკვიდრეობა მიეღო, ღმერთი ამბობს: „მამად მრავალთა თესლთა დაგდევ შენ". ვიცი შენი სათნოების სიდიადე, ამიტომ მრავალი ხალხის მოძღვრად დაგადგინებ, **„და აღგაორძინო შენ ფრიად ფრიად და დაგდვა შენ ნათეს...

...ოეს) არქმევს; ყოველივე ღმერთს მიაწერე, რომელიც ყველაფერს თავისი სიბრძნით წყობს. „და უწოდა სახელი მისი ნოე", ეს სახელი კი ნიშნავს: „განსვენებას". მაშ, (ლამექი) განსვენებად უწოდებს იმ საყოველთაო წარწყმედას, რომელიც ამდენი წლის შემდეგ უნდა მომხდარიყო, ისევე როგორც იობიც ამბობს: „სიკუდილი კაცისა განსუენებაჲ არს" (იობ 3:23). მართლაც, რადგან უკეთურება ბევრ და ძალიან დიდ შრომას მოაქვს, მის შეწყვეტასა და განადგურებას, რომელიც წარღვნის მეშვეობით უნდა ეწარმოებინა, განსვენებად უწოდებს. „და უწოდა, — ამბობს, — სახელი მისი ნოე", შემდეგ, ამ სახელის მნიშვნელობას რომ აგვიხსნის, ამბობს: „ამან განმისუენოს ჩუენ საქმეთაგან ჩვენთა", ესე იგი, უკეთურებისგან მოგვაშოროსო, „და მწუხარებათაგან ჴელთა ჩუენთასა" — კვლავ იმავეს ნიშნავს, ესე იგი, ბოროტი საქმეებისგან. წერილი ამას არა იმიტომ ამბობს, თითქოს ხელებს სწუხდნენ, არამედ იმიტომ, რომ მათი მოქმედებითა და ბოროტი საქმეებით ადამიანთა მწუხარება მრავლდებოდა. „და ქუეყანისაგან, რომელი დაწყევა უფალმან ღმერთმან ჩუენმან", ესე იგი, ჩვენზე მძიმად მწოლი ყოველი უბედურებისგან, მიწის დამუშავების შრომისა და მწუხარებისგან გაგვათავისუფლოსო, (რადგან მიწა) პირველი ადამიანის ურჩობის გამო წყევლას დაექვემდებარა. დაფიქრდი, საყვა...