ფსალმუნნი 143:15

„კურთხეულ არს უფალი ღმერთი ჩემი, რომელმან ასწავა ჴელთა ჩემთა ღუაწლი და თითთა ჩემთა - ბრძოლა.“ (ფსალმ 143:1).

1. ღმრთის შეწევნა ბრძოლასა და მმართველობაში

რას ამბობ? ნუთუ ღმერთია ბრძოლების, შერკინებისა და საბრძოლო წყობის მოძღვარი? დიახ, სწორედ ასეა; და არც შეცდება ის, ვინც ამ საქმეებში გამარჯვებასაც ღმერთს მიაწერს. რადგან ეს არის: „რომელმან ასწავა ჴელთა ჩემთა“ (ფსალმ 143:1). ესე იგი, ის, ვინც გვაძლევს მტრებზე გამარჯვებას, მათ ძლევას და ძლევის ნიშნის აღმართვას. რადგან მაშინაც, როცა დავითმა გოლიათი დასცა, გამარჯვების მიზეზი ღმერთი იყო; და მაშინაც, როცა დავითმა მრავალი ბრძოლა წარმატებით აღასრულა, ძლევის ნიშნები აღმართა და ზოგი მტრული ქალაქი მთელი მოსახლეობით აიღო, სწორედ ღმერთმა მისცა მას ძლევა. ამიტომაც...

...ამბაკ 1:13). ისინი უცხოებს ნეტარებდნენ, რადგან ურჯულოების მოქმედნი აშენდებიანო; ხოლო წინასწარმეტყველი ნეტარად ხმობს მათ, ვისაც ღმერთი შეეწევა. რადგან ამბობს: „ნეტარ არს ერისა მის, რომლისა არს უფალი ღმერთი მათი“ (ფსალმ 143:15). და კვლავ: „ნუ გშურნ უკეთურთა, ნუცა გშურნ მათი, რომელნი იქმან უსჯულოებასა“ (ფსალმ 36:1). ხედავ წმინდანებს, რომლებიც სხვებსაც შეაგონებენ და თავადაც განსაცდელებში შეურყევლად რჩებიან?

მაშ, მოისმინე იაკობი, რომელიც ამბობს: „უკუეთუ იყოს ღმერთი ჩემ თანა და დამიცვეს მე გზასა მას, რომელსა მე მივალ, და მცეს მე პური ჭამად და სამოსელი შემოსად“ (დაბ 28:20). და აბრაამსაც: „უკუეთუ საბლითგან ვიდრე ტერფადმდე ჴამლისა მოვიღო ყოველთაგან შენთა“ (დაბ 14:23). და მაშინაც, როცა მისი ცოლი საფრთხეში იყო, რომ შეერყვნათ, და შიმშილიც აწვა, აბრაამ...