თარგმანი: იხილე სიმდაბლე პავლესი, ვითარ ერთად მრავალთაგანად იჴსენების და ბარნაბაჲს თანა ასწავებს მორწმუნეთა სარწმუნოებისათჳს მართლისა და საქმეთა კეთილთა, და ზოგად ახარებენ ამას, ვითარმედ კნინთა შრომათა წილ სასუფეველი ცათაჲ მიენიჭების.
საქმე წმიდათა მოციქულთაჲ 15:35
34. ჯერ-იჩინა შილა დადგრომაჲ მუნვე.35. ხოლო პავლე და ბარნაბა იქცეოდეს ანტიოქიას შინა და ასწავებდეს და ახარებდეს სხუათაცა მრავალთა თანა სიტყუასა მას უფლისასა.36. შემდგომად დღეთა რაოდენთამე ჰრქუა პავლე ბარნაბას: მივიქცეთ და მოვიხილნეთ ძმანი ჩუენნი ყოველთა ქალაქთა, რომელთა შინა ვქადაგეთ სიტყუაჲ იგი უფლისაჲ, ვითარ-ძი არიან.
საქმე წმიდათა მოციქულთაჲ თავი 15