წინასწარმეტყველება ეზეკიელისი 18:20

...მაგრამ ქონება ხომ მოიპოვება კიდეც და იკარგება კიდეც, და აქვე რჩება. ან მტერთაგან შეთქმულებები და ცილისწამებები? მაგრამ ამით ჩვენ კი არ გვადგება ზიანი, არამედ მათ, ვინც ეს ჩაიდინა; რადგან წერილი ამბობს: „სული მცოდველი იგი მოკუდეს" (ეზეკ 18:20).

ხოლო ცოდვა ჩაიდინა არა ბოროტის დამთმენმა, არამედ ბოროტის მოქმედმა. ამიტომ მკვდარს კი არ უნდა მიაგო სამაგიერო, არამედ უნდა ილოცო მისთვის, რათა დაიხსნა იგი სიკვდილისაგან. განა არ ხედავთ ფუტკარს, რომ ნესტრის ჩაცემისას თვითონვე კვდება? ამ არსების მაგალითით ღმერთი გვასწავლის, რომ არ დავამწუხროთ მოყვასი; რადგან პირველნი თავად ჩვენვე ვიღებთ სიკვდილს. რადგან მათ, ვისაც ვგესლავთ, ალბათ მხოლოდ მცირე ხნით ვამწუხრებთ; თავად კი ვეღარ ვიცოცხლებთ, ისევე, როგორც ის არსება. თუმცა წერილი აქებს მას და ამბობს: **„ანუ მივედ ფუტკრისა და ისწავე, ვითარ-იგი მოქმედ არს და ნაშრომი იგი მისი ვითარ კეთილად ქმნის, რომლისა ნაშრომსა...

...დვებისთვის ისჯება, ამას წინასწარმეტყველები ბევრ ადგილას ამბობენ. მაგალითად, ამბობენ: «მამათა ჭამეს კაწახი და კბილნი შვილთანი მოლხუეს» (იერ 31:29); კიდევ: «ასული მცოდველი იგი მოკუდეს: ძემან არა მოიღოს სიცრუე მამისა მისისაჲ, არცა მამამან მოიღოს სიცრუჱ ძისა მისისაჲ» (ეზეკ 18:20), და კიდევ: «ნუ მოკუდებინ მამაჲ შვილისა წილ, ნუცა შვილი მამისა წილ, არამედ კაცად-კაცადი თჳსითა ცოდვითა მოკუედინ» (მეორ 24:16). ამრიგად, გთხოვთ, თქვენგან არავინ, საღვთო წერილის მიზნის არმცოდნემ, ნუ გაბედავს მასში დაწერილის საყვედურს, არამედ მადლიერებით მიიღეთ მისი სიტყვები, საღვთო წერილის ზედმიწევნითობას განცვიფრებით შეხედეთ და იმაზე იფიქრეთ, რა დიდი ბოროტებაა ცოდვა. აი, მართლაც, ძმა, ერთი დედისგან შობილი, ერთი მუცლიდან მოსული, ცოდვამ მონად აქცია და, თავისუფლება რომ წაართვა, დამორჩილებამდე მიიყვანა. აქედან დაიწყო მონობა. მანამდე ადამიანებს შორის არ იყო ასეთი განაზებულობა და ასეთი ფუფუნება, რომ ერთს სხვის მომსახურება სჭირდებოდა, არამედ ყველა თავს ემსახურებოდა, ყველა თანასწორ პატივში იყო და არანაირი უთანასწორობა არ არსებობდა. ხოლო, როცა ცოდვა გამოჩნდა, მან თავისუფლება დაარღვია, ბუნების...