...მაგრამ სამღვდელოებასა და იმას, თუ რამდენად დიდია მისი ღირსება, სხვა დროს განვაცხადებთ; ახლა კი ვიხილოთ მეფის, უფრო კი ტირანის, შეცოდების სიდიდე. „შევიდა ტაძრად უფლისა“ (); „და შევიდა მისა აზარია მღდელი“ (), მის უკან. განა ტყუილად ვამბობდი, რომ მღვდელი მეფეზე დიდია? რადგან აზარია მის უკან ისე კი არ შევიდა, თითქოს მეფე უნდა გაეძევებინა, არამედ ისე, თითქოს გაქცეული და უმადური მონა უნდა გაეძევებინა; ასეთი სიმკაცრით შევიდა, როგორც მამაცი ძაღლი, რომელიც უწმინდურ მხეცს დაესხმება, რათა იგი მეუფის სახლიდან გამოიყვანოს.
2.
ხედავ მღვდლის სულს, მრავალი კადნიერებითა და მაღალი სულისკვეთებით სავსეს? მან არც ხელისუფლების სიმძიმეს შეხედა, არც გაიაზრა, რა ძნელია სურვილით მთვრალი სულის შეკავება, არც სოლომონს მოუსმინა, რომელიც ამბობს: „მეფის მუქარა ლომის რისხვას ჰგავს“ ()...