დაბადება 21:18

...ილი, — ანგელოზი უფლისა აგარს ზეცით და ჰრქუა: რაჲ არს, აგარ? ნუ გეშინინ, რამეთუ შეისმინა ღმერთმან ჴმაჲ ვედრებისა ყრმისა მაგის შენისა მიერ ადგილით, სადა-იგი არს"** (დაბ 21:17). „აღდეგ უკუე და შეიყუარე ყრმაჲ შენი და უპყრა მას ჴელითა შენითა, რამეთუ ნათესავად დიდად ვყო ესე" (დაბ 21:18). ოი, რა კაცთმოყვარეა უფალი! მან არ უგულებელყო იგი, თუმცა მხევალი იყო; არამედ მამამთავრისადმი, რომლის თესლისგანაც იყო ისმაელი, მიცემული აღთქმის თანახმად, ღირსსაც ხდის აგარს თავისი ასეთი დიდი მზრუნველობისა, და ეუბნება: „რაჲ არს, აგარ? ნუ გეშინინ, რამეთუ შეისმინა ღმერთმან ჴმაჲ ვედრებისა ყრმისა მაგის შენისა. აღდეგ უკუე და შეიყუარე ყრმაჲ შენი და უპყრა მას ჴელითა შენითა, რამეთუ ნათესავად დიდად ვყო ესე". ნუ სწუხართ, ამბობს, რომ სახლიდან განგდევნეს, რადგან შენს ძეზე ისეთ განგებას გამოვიჩენ, რომ ისიც მრავალრიცხოვან შთამომავლობას მიიღებს. „და აღუხილნა ღმერთმან, — ნათქვამია, — თუალნი მისნი" (დაბ 21:19), არა იმიტომ, თითქოს მანამდე მხედველობა არ ჰქონდა, არამედ იმიტომ, რომ ღია თვალებიც სარგებელს ვერ მოუტანდა ზეციური გამოცხადების გარეშე. ამიტომ, როცა ღმერთს სურდა თავისი მზრუნველობა ეჩვენებინა მის...