დაბადება 24:20

...რი ისე მომხდარიყო, როგორც მონა ითხოვდა. ამგვარად, მონამ სინამდვილეში შეიცნო მამამთავრის ლოცვების ძალა, იპოვა ქალწული, როგორიც სურდა, და იხილა მისი საოცარი სტუმართმოყვარეობა: „ისწრაფა და წარმოაცალიერა სარწყული ისარნებსა შინა. და მირბიოდა მერმეცა ჯურღმულისა მიმართ აღმოვსებად წყლისა და ასვა ყოველთავე აქლემთა" (დაბ 24:20). შეხედე, რა გულმოდგინე მომსახურება! ის, რომ „ისწრაფა და წარმოაცალიერა სარწყული ისარნებსა შინა და მირბიოდა მერმეცა ჯურღმულისა მიმართ" — სწორედ ამაში ვლინდება ქალწულის საოცარი მომსახურება. იგი არ გაექცა მონას, როგორც უცნობს, და უმანკოების საბაბით არ უარყო მისი თხოვნა, არამედ დიდი სიმშვიდით თქვა: „სუ, უფალო". მოიფიქრე — ასეთ ასაკში რა მკაცრი უმანკოება, რა დიდი სიმშვიდე, რა გულმოდგინე სტუმართმოყვარეობა! განა ეს ყოველგვარ სიმდიდრეზე ძვირფასი არ არის? რომელ საუნჯეს არ ამჯობინებს ამას ჩვენგან ყოველი? აი, საუკეთესო მზითევი; აი, აურაცხელი სიმდიდრე; აი, საუნჯე, რომელიც არასოდეს შემცირდება. მაშ, კეთილგონიერი მონა, ამაში ღვთის აშკარა განგებას ხედავდა რა, „შეისწავლიდა მას, — როგორც ნათქვამია, — და ზომდა ცნობად, უკუეთუ კეთილ-ყო ღმერთმან გზაჲ მისი, ანუ არა" (დაბ 24:21). რას ნიშნავს: **„შეისწა...