დაბადება 24:27

...ა"**, ანუ მადლობა აღუვლინა მეუფეს, რომელმაც ასეთი კეთილგანწყობა გამოიჩინა მამამთავრის მიმართ და მისი ასეთი მზრუნველობა გამოავლინა, და ყველაფერი ასე წარმატებით მოაწყო, და თქვა: „კურთხეულ არს უფალი ღმერთი უფლისა ჩემისა აბრაჰამისი. რომელმან არა დამაკლო სიმართლე მისი და ჭეშმარიტებაჲ უფლისა ჩემისა აბრაჰამისგან" (დაბ 24:27). მას შემდეგ, რაც მონამ იხილა ქალწულის კეთილგულობა და ყველაფერი დაწვრილებით შეიტყო, ბოლოს თავადაც უმხელს ქალწულს, ვინ არის, და ღვთისადმი მადლობით განუმარტავს, რომ არა უცხო სახლიდან მოვიდა, არამედ ის, ვინც გამოგზავნა, ნაქორის ძმაა. ეს რომ შეიტყო, ქალწული დიდი სიხარულით „მირბიოდა", როგორც წერილი ამბობს. შეხედე, როგორ ავლენს სტუმართმოყვარეობისადმი მოშურნეობას ყოველი თავისი საქციელით — სირბილით, სიტყვებითა და თავმდაბალი ქცევით. „მირბიოდა ქალი, — ნათქვამია, — და მიუთხრა სახლსა დედისა თჳსისასა მსგავსად სიტყუათა ამათ" (დაბ 24:28). ყველაფერი, რაც მონისგან გაიგო, მშობლებს მოუყვა. „და მირბიოდა ლაბან კაცისა მიმართ გარე წყაროსა ზედა" (დაბ 24:29). აი, ესეც თავისი სირბილით მოშურნეობას ავლენს. ჭასთან აქლემებიანად მდგარ კაცს რომ დაინახა, უთხრა: **„მოედ, შემ...