დაბადება 24:39

...მამისა ჩემისა წარხჳდე და ტომისა მიმართ ჩემისა და მოჰგუარო ცოლი ძესა ჩემსა, ისაკს, მუნით"** (დაბ 24:37-38). ასე მიბრძანა. მაშინ მე, ამ საქმის სიძნელეებს წარმოვიდგენდი რა და მის სირთულეზე ვფიქრობდი, ვკითხე ჩემს ბატონს: რა იქნება, „უკეთუ არა მოვიდეს დედაკაცი ჩემ თანა" (დაბ 24:39)? მან მითხრა: „უფალმან ღმერთმან, რომლისა სათნო-ვიქმენ წინაშე მისსა, მან წარმოავლინენ ანგელოზი თჳსი შენ თანა და წარმართენ გზა შენი და მოგუარო ცოლი ძესა ჩემსა ტომისაგან ჩემისა და სახლისაგან მამისა ჩემისა". ხოლო თუ ცოლი არ დათანხმდება აქ წამოსვლას, „მაშინ უბრალო იყო წყევისაგან ჩემისა" (დაბ 24:40-41). მაშ, ჩემმა ბატონმა, ამბობს მონა, ასეთი ბრძანება მომცა რა და ამ ლოცვებით გამაცილა, გამომგზავნა, და მე, მისი ლოცვებით გამხნევებულმა, ჭასთან, როცა მოვედი, შემდეგი სიტყვები წარმოვთქვი: **„უფალო ღმერთო უფლისა ჩემისა აბრაჰამისო! უკუეთუ შენ გზა კეთილ ჰყოფ გზასა ჩემსა, რომელსა ზედა ვალ მე: აჰა, მე ვდგა წყაროსა ზედა წყლისასა, ხოლო ასულნი კაცთა ქალაქისათანი გამოვლენ ვსებად წყლისა. და იყოს ქალწული, რომელსაცა ვჰრქუა მე: მასუ მცირედი წყალი სარწყულისაგან შენისა. და მრქუას მე: და შენ სუ და აქლემთაცა შ...