დაბადება 34:7

...გაიგო მომხდარი და ის მოთმინებით იტანდა, ელოდებოდა დინას ძმების მოსვლას, რომლებიც ფარებს მწყემსავდნენ. „და დაიდუმა, — ნათქვამია, — იაკობ ვიდრე მოსლვადმდე მათა" (დაბ 34:5). როცა ემორი მოვიდა იაკობთან, მოვიდნენ დინას ძმებიც, და თავიანთი დის ამბავი რომ გაიგეს, „შეწუხნეს" (დაბ 34:7). რას ნიშნავს „შეწუხნეს"? შეწუხდნენ, აუტანლად მიაჩნდათ, სრულიად მოუთმენლად, და ეს იყო მათი მწუხარების მიზეზი. „რამეთუ სარცხჳნელ იქმნა ისრაჱლსა შორის, ვითარმედ დაწვა ასულისა თანა იაკობისა, და არა ეგრე იყოს" (დაბ 34:7). ხედავ იაკობის შვილების სიწმიდეს? ისინი ამ საქმეს უდიდეს შეურაცხყოფად მიიჩნევდნენ. ხედავ, როგორ ზრდიდა მართალი შვილებს სათნოებისთვის; სიქემი კი, ემორის ძე, თავისი გულისწადილის აღსრულებით, მამისა და მთელი ქალაქის დაღუპვის მიზეზი გახდა? მაგრამ ჯერ მოვისმინოთ, რას ეუბნება ემორი; შემდეგ კი გაიგებთ დინას ძმების მზაკვრობას, როგორ ცდილობდნენ თავიანთი დის შეურაცხყოფისთვის შური ეძიათ. „ეტყოდა მათ ემორ და ჰრქუა: ძემან ჩემმან, სჳქემ, აღირჩია სულითა ასული თქუენი" (დაბ 34:8). შენიშნე, როგორ წინასწარმეტყველებს თავად მომავალ დაღუპვას. **„აღირჩია...