...ბის უმაღლეს საფეხურზე იყო აყვანილი. ეს კურთხევები, ამბობს, „იყუნენ თავთა ზედა იოსებისსა და თხემსა, რომელი წინამძღუარ ყო ძმათა" (). ეს კურთხევები, ამბობს, შენს თავზე დაიმკვიდრებს. „ბენიამენ, მგელი მტაცებელი, განთიად ჭამდეს-ღა და მწუხრი განუყოფდეს საზრდელსა" (). აქაც იაკობი წინასწარმეტყველებს დიდი ხნის შემდეგ მოსახდენს, კერძოდ, რომ ბენიამინი, მგელივით, თავს დაესხმის, იტაცებს, ხოცავს და ათასგვარ ბოროტებას ჩაიდენს. რადგან იაკობმა ყველა ძეს შესაბამისი კურთხევა აუწყა, ნათქვამია: „ყოველნი ესე ძენი იაკობისნი — ტომი ათორმეტ. და ამას ეტყოდა მამაჲ მათი და აკურთხნა იგინი კაცად-კაცადი კურთხევისაებრ თჳსისა" (). ესე იგი, თითოეულს შესაბამისი უწინასწარმეტყველა და თითოეულ ტომში მომავალი მოვლენები აუწყა. ბოლოს, სულისგან შთაგონებული განკარგულებები რომ გასცა, ეუბნება მათ: „მე შევეძინები ერსა ჩემსა, დამფალთ მე მამათა ჩემთა თანა" ().
4. იაკობის აღსასრული და ძმათა სინანული (49:29-50:18)
შენიშნე, რა ნუგეშს აძლევს მათ ამ ანდერძით. მათ შეეძლოთ გაეგოთ, რომ მართალი ამას არ დაანდერძებდა, ჭეშმარიტად რომ არ...