დაბადება 50:25

...დარწმუნებულიყვნენ, რომ აუცილებლად დაბრუნდებოდნენ. ეს რომ სარწმუნო არ ყოფილიყო, მაშინ ძვლების გატანას არ დაანდერძებდა. და რაღაც უჩვეულო და საკვირველი იხსნებოდა იმაში, რომ ის, ვინც მთელს ისრაელს ეგვიპტეში კვებავდა, გასვლისას მისი მეწინავე ხდება და აღთქმულ მიწაზე შეჰყავს. „და აღესრულა იოსებ ასდაათისა წლისაჲ" (დაბ 50:25). რისთვის აღინიშნა აქ მისი წლებიც? იმისთვის, რომ ვიცოდეთ, რამდენი წლის განმავლობაში ჰქონდა ეგვიპტის მართვა ხელში. ჩვიდმეტი წლის მოვიდა ეგვიპტეში; ოცდაათი წლისა გამოცხადდა ფარაონთან და სიზმრები აუხსნა; ოთხმოცი წლის განმავლობაში ეგვიპტეზე ხელმწიფებდა. ხედავ, როგორ აღემატება ჯილდო გარჯას და რა მრავალფეროვანია მოსაგებელი? ცამეტი წლის განმავლობაში გამოცდებთან იბრძოდა, იტანდა მონობას, უსამართლო ბრალდებასა და საპყრობილეში ტანჯვას. მაგრამ, რადგან ყველაფერი მამაცურად, მადლიერებით ითმინა, ამქვეყნიურ ცხოვრებაშიც უხვი საზღაური მიიღო. ყურადღება მიაქციე: მონობისა და პატიმრობის მცირე ხნით მოთმინებისთვის ოთხმოცი წელი სამეფოს მართავდა. ხოლო, რომ ყველაფერს სარწმუნოებით აკეთებდა და სწორედ ამ მოტივით დაანდერძა ძვლების გადატანა, მოისმინე პავლეს სიტყვები: „სარწმუნოებით იოსებ, აღ-რაჲ-ესრულებოდა, გამოსლვისათჳს ძეთა ისრაჱლისათა მოიჴსენა", — და ამით...