დაბადება 7:10

...ავ ქება მიეგო მართლისთვის — იმისთვის, რომ ყოველივე ისე აღასრულა, როგორც უფალმა უბრძანა, და მის მიერ ნათქვამიდან არაფერი გამოტოვა. „და იყო შემდგომად შვიდთა დღეთასა, — როგორც უფალმა აღუთქვა, — და წყალი რღუნისა იქმნა ქუეყანასა ზედა, მეექუსასესა წელსა ცხორებასა ნოესსა, მეორესა თთუესა, ოცდამეშჳდესა თთჳსასა" (დაბ 7:10-11). შენიშნე წერილის ზედმიწევნითობა, როგორ აჩვენებს არა მხოლოდ წელს, არამედ თვეს და თვით იმ დღესაც, რომელშიც წარღვნა მოხდა; რათა თავისი თხრობით შემდგომი თაობების ადამიანები უფრო ძლიერად შეაგონოს და მოვლენა უფრო საშინლად წარმოაჩინოს, ამბობს: „ამას დღესა შინა გამოეცნეს წყარონი უფსკრულისანი და საქანელნი ცისანი განეხუნეს. და იქმნა წჳმა ქუეყანასა ზედა ორმეოც დღე და ორმეოც ღამე" (დაბ 7:11-12). შეხედე, როგორ მოწყალებას (შემწყნარებლობას) იყენებს აქაც საღვთო წერილი, როგორ ყველაფერს კაცობრივად ამბობს. არა თუ საქანელნი იყვნენ ცაზე, არამედ წერილი ჩვენთვის ჩვეულ სიტყვებს იყენებს, თითქოს ასე ამბობს: უფალმა მხოლოდ ბრძანა — და წყალმა მაშინვე დაემორჩილა შემოქმედის ბრძანებას და, ყოველი მხრიდან შემოდინებული, მთელი ქვეყანა დაფარა. ხოლო ის, რომ ღმერთმა წარღვნა ორმოც დღესა და ღამეს მოავლინა, ესეც მისი კაცთმოყ...