ეკლესიასტე 3:7

...მ დახშული იყოს, არამედ იმისთვის, რომ შესაფერის ჟამს გაიღოს. რადგან არის დრო, როცა დუმილი ლაპარაკზე მეტად გვარგებს, ისევე როგორც ლაპარაკი - დუმილზე მეტად. სწორედ ამიტომ ის ყოვლადბრძენი ამბობდა: „ჟამი არს დუმილისაჲ და ჟამი სიტყჳსაჲ“ (ეკლ 3:7). მუდამ გაღებული რომ ყოფილიყო საჭირო, კარები არ გაჩნდებოდა; ხოლო მუდამ დაკეტილი რომ ყოფილიყო საჭირო, დაცვა საჭირო აღარ იქნებოდა. რადგან დაკეტილს ვინღა დაიცავს? მაგრამ სწორედ ამისთვის არის კარი და დაცვა, რათა ყოველივე შესაფერის ჟამს ვაკეთოთ.

სხვა კი ამბობს: „სასწორი და საწონი შეუქმენ შენს ენას“ (ზირ 28:25)⁵, და ამით უფრო დიდ სიზუსტეს მოითხოვს: არა მხოლოდ ის სიტყვები გამოვთქვათ, რომლებიც საჭიროა, არამედ, ასე ვთქვათ, სათანადო სიზუსტით ავწონოთ და გამოვიკვლიოთ კიდეც. თუ ამას ოქროზე ვაკეთებთ, თანაც წარმავალ ნივ...

...ც შრომა შეწყვიტონ. ამიტომ მოძღვრების სიტყვასაც დუმილის ჟამი განესაზღვრა, რათა ნათქვამის სიმრავლით არც საკუთარი თავი დავქანცოთ და არც თქვენ დაგღალოთ. ეს ჟამები სოლომონმაც იცის, როცა ასე ამბობს: „ჟამი არს დუმილისაჲ და ჟამი სიტყჳსაჲ“ (ეკლ 3:7). მაშ, ჩვენთვის დუმილის ჟამი იყოს, რათა მოძღვრისთვის სიტყვის თქმის ჟამი დადგეს. რადგან ჩვენი სიტყვები ჰგავს საწნახლების ქვედა ჭურჭლებიდან ახლახან ამოღებულ ღვინოს, ხოლო მისი სიტყვები წააგავს დაძველებულსა და ხნიერ ღვინოს, რომელიც მიმღებთ დიდ სარგებელსაც აძლევს და ძალასაც; და დღეს სახარების ის სიტყვაც აღსრულდა: „უარესი ღვინის შემდეგ უკეთესი შემოაქვთ“ (იოან 2:10)¹. და როგორც მაშინ ის ღვინო ვაზს არ უშვია, არამედ ქრისტეს ძალამ შექმნა, ასევე ამ მოძღვრის სიტყვას ადამიანური გონება კი არ გადმოღვრის, არამედ სულიწმინდის მადლი. მაშ, უხვი და სულიერი ნაკადები გულმ...