თარგმანი: რაჲსათჳს არა ათორმეტთა მოციქულთაგანი წარვიდა ესოდენ დიდსა მას ქალაქსა ანტიოქიისასა, არამედ ბარნაბა, ერთი სამეოცდაათთაგანი მიავლინეს? —ამისთჳს, რამეთუ არა ჯერ-უჩნდა განშორებაჲ იერუსალემით, რაჲთა არა ლტოლვილ საგონებელ იქმნნენ დევნულებისაგან ჰურიათაჲსა. არამედ დაღაცათუ მახლობელთა სადმე ქალაქთა და სოფელთა განვიდიან, კუალად მუნვე იქციან და არასადა განეშორებოდეს ათორმეტნი იგი იერუსალემსა და ჰურიასტანსა, ვიდრე წარსლვადმდე პავლესსა ჰრომედ. ხოლო მიავლინეს ბარნაბა ანტიოქიად, ვითარცა წამებული აღსავსედ სულითა წმიდითა და კაცად სახიერად. სახიერ უკუე ეწოდა არა წინა-აღმდგომად სიტყჳსა მის, ვითარმედ: "არავინ არს სახიერ, გარნა მხოლოჲ ღმერთი" (), არამედ რაჲთა შენ ისწავო, ვითარმედ ღმერთსა ბუნებით აქუს სახიერებაჲ, და არავინ არს ბუნებით სახიერ, გარნა მხოლოჲ ღმერთი. ხოლო მის მიერვე მადლით და მინიჭებით ბარნაბასცა და მსგავსთა მისთა ყოველთა სახიერ სახელ-ედების, რაჟამს ყოველთა მოქენე და განმამტკიცებელ იყვნენ სარწმუნოებასა ზედა ქრისტესსა და ერთა ურიცხუთა ქადაგ სარწმუნოებისა.
მოციქულთა საქმეები 11:22
21. და იყო ხელი უფლისა მათთან, ასე რომ, ბევრმა ირწმუნა და მოიქცა უფლის მიმართ.22. ამ ამბავმა იერუსალიმის ეკლესიასაც მიაღწია და ანტიოქიაში წარგზავნეს ბარნაბა.23. როცა მივიდა, იხილა მადლი ღვთისა, გაიხარა და ყველას შეაგონებდა, წრფელი გულით დამკვიდრებულიყვნენ უფალში.
მოციქულთა საქმეები თავი 11