2 Corinthians 6:16

თარგმანი: ესრეთ იტყჳს, ვითარმედ: ურწმუნონი ტაძარ კერპთა არიან, ხოლო თქუენ — ტაძარ ღმრთისა.

...ზეცაში დამკვიდრებულად კი იგი ითქმის არა იმიტომ, თითქოს ადგილით იყოს შემოფარგლული — შორს იყოს ასეთი რამ, რადგან თავად აღავსებს ყოველივეს, — არამედ უფრო იმ აზრით, რომ ზეციურ ძალებში განისვენებს; ვინაიდან ადამიანებშიც ითქმის, რომ მკვიდრობს: „დავიმკჳდრო და ვიქცეოდი მათ შორის“ (2 კორ 6:16). ამრიგად, ბარბაროსთა ქვეყანაში მოხვედრისას არამცირე სწავლებანი მიიღეს: როგორც ყოველივე ამქვეყნიურისგან განშორება, ისე ის ცხადი ცოდნა, რომ ღმერთი, სადაც კი მოუხმობენ, ადვილად შეისმენს. რადგან ახალი ცხოვრების წესის სხივი უკვე ამობრწყინებას აპირებდა, წინასწარმეტყველი მომავლის წინასწარ გახმიანებას იწყებს და ადგილებზე მიბმულ წესს ნელ-ნელა, შეფარვითა და მინიშნებებით, აუქმებს: „აჰა, ესერა, ვითარცა თუალნი მონათანი, ჴელთა მიმართ უფალთა მათთასა და ვითარცა თუალნი მჴევალისანი, ჴელთა მიმართ დედოფლისა თჳსისათა, ეგრეთცა თუალნი ჩემნი, უფლისა მიმართ, ღმრთისა ჩუენისა, ვიდრემდის შემიწყალნეს ჩუენ.“ (ფსალმ 122:2). აქ კვლავ იხილე ღვთისმოშიშების გამძაფრება: ისინი მცირე ხნით კი არ სასოებენ, არამედ გან...