Hebrews 4:13

თარგმანი: ესე იგი არს, ვითარმედ: რომლისა მიმართ თანა-გუაც სიტყჳსა მიცემაჲ საქმეთა ჩუენთათჳს.

...მოძიებას“ ნათლად ცოდნის მნიშვნელობით ხმარობს, ასევე აქაც სიტყვა „გამომეძიებელი“ ზუსტად ცოდნის მნიშვნელობით ითქმის. ხოლო „გამოცდაც“ გაშიშვლებას ნიშნავს, რაც ზუსტი შემეცნებისა და ცოდნის საქმეა, როგორც პავლეც ამბობს: „ყოველივე შიშუელ და ქედ-დადრეკილ არს წინაშე თუალთა მისთა“ (ებრ 4:13). „სამართლიანია ჩემი შეწევნა“ (ფსალმ 7:11). სხვა ამბობს: „მართალია ჩემი დამცველი“. რას ნიშნავს: „სამართლიანია ჩემი შეწევნა ღმრთისაგან“ (ფსალმ 7:11)? სამართლიანად მომეცემოდა იგი ღმრთისაგანო, ამბობს, რადგან არაფერს უსამართლოს ვითხოვ. ამიტომ, თუ ზეგარდმო შემწეობით უნდა ვისარგებლოთ, ისეთი რამ უნდა ვითხოვოთ, რასაც სამართლიანობის საფუძველი აქვს, რათა თვით თხოვნის ბუნებით ჩვენკენ მოვიზიდოთ იმ ღმრთის შემწეობა, „რომელმან განარინნის წრფელნი გულითა“ (ფსალმ 7:11). ეს არის მისი საქმე, ეს არის მისი...

...ამბობ ჩვენ წინაშე. ნუთუ მე მაძლევ ანგარიშს? ანგარიშს იმას მისცემ, ვინც ყველაფერს, რაც ხდება, ესწრება და მაშინაც გამოიძიებს; იმას, ვის წინაშეც „ყოველივე შიშუელ და ქედ-დადრეკილ არს წინაშე თუალთა მისთა, რომლისათჳს არს სიტყუაჲ ესე ჩუენი“ (ებრ 4:13). ამიტომ ჩვენც ახლა ამას ვამბობთ, რათა იმ პასუხისგებათა წინაშე ბრალეულნი არ გაგხადოთ. გვეშინოდეს, ღმერთმა თქვენც არ გისაყვედუროთ ის, რაც წინასწარმეტყველის პირით იუდეველ ქალებს უთხრა: „სლვასა ფერჴთასა თანამთრეველნი სამოსელთანი და ფერჴებითა თანად მომღერალნი“ (ესაია 3:16).

დიდი ბრძოლა იკისრეთ, სადაც ასპარეზობაა საჭირო და არა კაზმვა; მუშტიკრივია საჭირო და არა განაზება. ნუთუ ვერ ხედავ მოკრივეებსა და მოასპარეზეებს? ნუთუ სიარულსა და გარეგნობაზე ზრუნავენ ისინი? არანაირად; არამედ ყოველივე ამას ტოვებენ, ზეთით გაჟღენთილ სამოსს ისხამენ და მხოლოდ ერთს უყურებენ: დაარტყან და დარ...