...გან სარგებელი? სატანჯველი საუკუნოჲ და არცა ერთისა ნუგეშინის-ცემისა პოვნაჲ, და აქაცა აწ ყოველნი უზრახვენ ძჳრსა. ანუ მრავალთა კაცთა ჴელმწიფეთა ხატები გამოწერილები სახლთა შინა მათთა რაჟამს ვიხილოთ, არა უფროჲსად ვიგლოვთა? ჭეშმარიტად კეთილად თქუა წინაჲსწარმეტყუელმან, ვითარმედ: „ამაოდ შურების ყოველი კაცი“, რამეთუ ჭეშმარიტად ამაოება არს ესევითართა საქმეთა ზედა მოსწრაფებაჲ. არამედ სავანეთა მათ და საყოფელთა ზეცისათა ესე არა არს, რამეთუ აქა სხუაჲ შურის, და სხუაჲ განისუენებნ მას შინა, ხოლო მუნ თითოეული თჳსსა ზედა ნაშრომსა უფალ არს, და მრავალწილად მიიღოს მისაგებელი. მას მოსაგებელსა ვეძიებდეთ, მუნ ვიშენოთ სახლები, რაჲთა განვისუენოთ ქრისტეს იესუჲსა მიერ, უფლისა ჩუენისა, რომლისაჲ არს დიდებაჲ და სიმტკიცჱ თანა მამით და სულით წმიდითურთ აწ და მარადის და უკუნითი უკუნისამდე, ამენ.
Psalms 38:6
5. My wounds stink and are corrupt because of my foolishness.6. I am troubled; I am bowed down greatly; I go mourning all the day long.7. For my loins are filled with a loathsome disease: and there is no soundness in my flesh.
Psalms თავი 38