SASOEBA.GE
განმარტებებირჩეულები
მონიშნეთ წიგნი
თავი
თარგმანი

1 კორინთელთა მიმართ 2:5

4. და სიტყუაჲ ჩემი და ქადაგებაჲ ჩემი არა რწმუნებითა კაცობრივისა სიბრძნისა სიტყუათაჲთა, არამედ გამოცხადებითა სულისაჲთა და ძალითა,5. რაჲთა სარწმუნოებაჲ ეგე თქუენი არა იყოს სიბრძნითა კაცთაჲთა, არამედ ძალითა ღმრთისაჲთა.6. ხოლო სიბრძნესა ვიტყჳთ სრულთა მათ მიმართ, ხოლო სიბრძნესა არა ამის სოფლისასა, არცა მთავართა მათ სოფლისათა, რომელნი განქარვებად არიან,
1 კორინთელთა მიმართ თავი 2
5. რაჲთა სარწმუნოებაჲ ეგე თქუენი არა იყოს სიბრძნითა კაცთაჲთა, არამედ ძალითა ღმრთისაჲთა.
თავი ა̂. რაჲთა არა განიწვალებოდინ ურთიერთას დიდების მოყუარებისაგან და კაცობრივისა სიბრძნისა, რომელსა შინა იტყჳს საღმრთოჲსა სიბრძნისათჳს და საღმრთოთა მსახურთათჳს, და არა-განკითხვისათჳს მოძღუართაჲსა, და რაჲთა არა ვიყვნეთ განლაღებულ და ზუავ
1 კორინთელთა მიმართ 1:1-4:21
წმინდა იოანე ოქროპირი
მთ: წმინდა ეფრემ მცირე
რედ: Titus
მოციქულისაჲ: რაჲთა სარწმუნოებაჲ ეგე თქუენი არა იყოს სიბრძნითა კაცთაჲთა, არამედ ძალითა ღმრთისაჲთა (2,5).:

თარგმანი: უმტკიცეს სიტყუათა არს საქმე; ამისთჳსცა უეჭუელ არს სარწმუნოებაჲ იგი, რომელსა შინა ლიქნით მეტყუელებაჲ არცა ერთი იყოს, თჳნიერ ძალი ღმრთისაჲ და მოქმედებაჲ საკვრველებათა მრავალთაჲ.

თავი ა
1 კორინთელთა მიმართ 1:1-31, 2:1-5
წმ. კირილე ალექსანდრიელი
მთ: ღირსი ექვთიმე ათონელი
რედ: Titus
მოციქულისაჲ: რაჲთა სარწმუნოებაჲ ეგე თქუენი არა იყოს სიბრძნითა კაცთაჲთა, არამედ ძალითა ღმრთისაჲთა (2,5).:

თარგმანი: ამას მოასწავებს, ვითარმედ უკუეთუმცა სიბრძნისა მიერ კაცობრივისა დამტკიცებულ იყო თქუენ შორის სარწმუნოებაჲ და ჴელოვნებითა სიტყუათაჲთა მოქცეულ იყვენით, მრავალთამცა თქუეს თუ —არა თუ საქმე იგი და ქადაგებაჲ ძლიერი რაჲმე იყო, არამედ სიჴელოვნემან სიტყუათამან და სივრცემან ფილაფოსობისამან დაარწმუნა კაცთა და მიიქცინა. ხოლო აწ, ვინაჲთგან ფილაფოსობისამან დაარწმუნა კაცთა და მიიქცინა. ხოლო აწ, ვინაჲთგან ესევითარი არარაჲ შემოვიღეთ, არამედ ნიშებითა და სასწაულებითა და ძალითა სულისა წმიდისაჲთა იქმნა მოქცევაჲ თქუენი, ვერღა-რას ვინ იტყჳს ესევითარსა, არამედ გულისჴმა-ჰყოფენ, ვითარმედ ძალი დიდი აქუს ამას სარწმუნოებასა, რომელ უსწავლელთა მიერ და გლახაკთა და უჩინოთა კაცთა — მძლე ექმნა მდიდართა და ძლიერთა და სწავლულთა.

მოხსენიებები ვერ მოიძებნა ამ მუხლისთვის