თარგმანი: ვითარ-იგი მსახურებად სიკუდილისა უწოდა შჯულსა, ეგრეთვე შემსგავსებულად მისსა მსახურებად ცხორებისა თანა-ედვა წოდებად მადლისა; არამედ იგი ამას დაიდუმებს და უზეშთაესითა სახელითა სახელ-სდებს, რომელ არს მსახურებაჲ სულისაჲ, რამეთუ სულსა წმიდასა აქუს ჴელმწიფებაჲ მინიჭებად ცხორებისა, ხოლო მსახურება სულისა ეწოდების ახალსა ამას შჯულსა, ვითარცა წინაგანმამზადებელსა და ღირს მყოფელსა სულისა წმიდისა მოფენისასა.
2 კორინთელთა მიმართ 3:8
7. ხოლო უკუეთუ მსახურებაჲ იგი სიკუდილისაჲ, წიგნითა გამოსახული ფიცართა შინა, იქმნა დიდებულ, ვიდრეღა ვერ შემძლებელ იყვნეს ძენი ისრაჱლისანი თუალთა შედგმად პირსა მოსესსა დიდებითა მით პირისა მისისაჲთა, რომელ განქარვებად იყო,8. რაოდენ-მე არა უფროჲს მსახურებაჲ იგი სულისაჲ იყოს დიდებით?9. რამეთუ უკუეთუ მსახურებაჲ იგი დაშჯისაჲ დიდება, რაოდენ უფროჲს აღემატოს მსახურებაჲ იგი სიმართლისაჲ დიდებითა.
2 კორინთელთა მიმართ თავი 3