თარგმანი: სიხარულ ტიტესსა იყო არა ცუდად გზავნაჲ მისი, არამედ განმართებაჲ ცთომილებისაჲ მის, რომლისა-იგი მხილებად მისრულ იყო, რომლისა მორჩილებითა განუსუენეს მათ სულსა მისსა, და დამტკიცნა ჭეშმარიტებაჲ მათთჳს თქუმულთა მოციქულისა მიერ სიტყუათა სიქადულისათაჲ, რომელნი-იგი საწამებელცა იყვნეს სათნოებისა მათისა და გამოსაჩინებელცა, ვითარმედ უყუარან მას იგინი.
2 კორინთელთა მიმართ 7:14
13. ამისთჳს ნუგეშინის-ცემულ ვართ ნუგეშინის-ცემასა მას თქუენსა ზედა; უმეტესადღა და უფროჲს განვიხარეთ სიხარულსა მას ზედა ტიტესსა, რამეთუ განსუენებულ არს სული მისი თქუენ ყოველთაგან.14. რამეთუ რაჲცა-იგი მისა მიმართ ვიქადე თქუენთჳს, არა მრცხუენა, არამედ ვითარცა ყოველსავე ჭეშმარიტებით გეტყოდეთ თქუენ, ეგრეთცა სიქადული იგი ჩუენი ტიტეს მიმართ ჭეშმარიტ იქმნა.15. და მოწყალებაჲ მისი უმეტესადღა თქუენდა მიმართ არს, მოეჴსენების თქუენ ყოველთა იგი მორჩილებაჲ, ვითარ-იგი შიშით და ძრწოლით შეიწყნარეთ იგი.
2 კორინთელთა მიმართ თავი 7