თარგმანი: რაჲთა არა ჰგონებდენ, ვითარმედ ვითარცა უქმებასა და უდებებასა შინა მყოფთა ამხილებს და ამით მწუხარე იქმნენ, ამისთჳს აქებს, ვითარმედ: არა ვითარცა შერყეულთა და უმეცართა, არამედ ვითარცა მეცნიერთა და მტკიცეთა მიმართ მივსწერ. ხოლო მოწევნულად ჭეშმარიტებად უწოდს ქადაგებასა ქრისტესსა.
2 პეტრე 1:12
11. არამედ ესრეთ მდიდრად წარგემართოს თქუენ შესავალი იგი საუკუნესა მას სასუფეველსა უფლისა ჩუენისა და მაცხოვრისა იესუ ქრისტესა,12. რომლისათჳსცა არა უდებ ვიქმნე მარადის მოჴსენებად თქუენდა ამისთჳს, დაღაცათუ იცით და მტკიცე ხართ მოწევნულსა ამას ზედა ჭეშმარიტებასა.13. ხოლო სამართლად შემირაცხიეს, ვიდრე-ესე ვარ მე ამას საყოფელსა შინა განღჳძებად თქუენდა მოჴსენებითა.
2 პეტრე თავი 1