2 ტიმოთეს მიმართ 1:6

...ბული ვარ და სრულად დამოწმებული. მაშ, თუ ამ რწმენამდე არავითარი ადამიანური მიზეზით არ მოსულხარ, ვერაფერი შეგარყევს.

ამ მიზეზითაც შეგახსენებ: „განცხოველებად მჴურვალედ მადლსა მას ღმრთისასა, რომელ არს შენ თანა დასხმითა ჴელთა ჩემთაჲთა“ (2 ტიმ 1:6). ხედავ, როგორ აჩვენებს, რომ იგი დიდ გულმოკლულობაშია და როგორი დაღონებულია? თითქმის ამასვე ამბობს: „ნუ იფიქრებ, რომ უგულებელგყავი; არამედ იცოდე, რომ არც განმიკითხავხარ და არც დამვიწყებიხარ; და თუ სხვას არავის გაიხსენებ, დედის დედა და დედა მაინც მოიგონე.“ ამიტომ, რადგან ვიცი, რომ შეუორგულებელი რწმენა გაქვს, შეგახსენებ; რადგან გულმოდგინება გჭირდება, რათა ღმრთის მადლი გააღვივო. როგორც ცეცხლს სჭირდება შეშა, ასევე მადლსაც სჭირდება ჩვენი გულმოდგინება, რათა მუდამ ღვიოდეს. „მოგაჴსენებ შენ განცხოველებად მჴურვალედ მადლსა მას ღმრთისასა, რომელ არს შენ თანა დასხმითა ჴელთა ჩემთაჲთა“ (2 ტიმ 1:6), ანუ სულიწმინდის მა...