დაბადებისა 13:6

...ტით ჯილდოვდება, ისეთით, რაც ადამიანურ ძალას მრავალგზის აღემატება. ხედავ მართლის მოთმინებას? შეხედე ახლა, ეგვიპტიდან დაბრუნებისას, რა დიდი იყო მისი სიმდაბლე და რაოდენი სიმშვიდე. როცა ეგვიპტიდან დაბრუნდა დიდი სიმდიდრით, და მარტო არ იყო, არამედ ძმისწულიც თან ახლდა, „არა იტევდა მათ ქუეყანა იგი დამკჳდრებად ზოგად" (დაბ 13:6), რადგან ბევრი ქონება ჰქონდათ, რის გამოც ლოტისა და აბრაამის მწყემსებს შორის შუღლი წარმოიშვა. მაშინ მართალმა, სულის სიმშვიდესა და სიბრძნისმოყვარეობის სიმაღლე რომ ავლენდა, ლოტს მიუხმო და უთხრა: „ნუ არს ბრძოლაჲ შორის ჩემსა და შენსა და შორის მწყემსთა ჩუენთა, რამეთუ კაცნი ძმანი ვართ ჩუენ" (დაბ 13:8). თითქოს ასე უთხრა ლოტს: არაფერია მშვიდობაზე უკეთესი და არაფერია შუღლზე უარესი; მაშ, შუღლის ყოველი საბაბის მოსაშორებლად, აირჩიე, რომელი მიწა შენ გინდა, ხოლო მე მეორე დამრჩეს და შორს ვიქნებით ყოველი შუღლისა და დავისგან. ხედავ ამ კაცის სათნოებას? ახალგაზრდას უკეთესი მიწის არჩევანი დაუთმო, ხოლო თავად უარესით დაკმაყოფილდა. შეხედე ახლა, რა დიდი ჯილდო მიიღო ამ საქციელისთვის. ოღონდ კი განყოფა მოხდა და ლოტი წავიდა, ღმერთი ეუბნება აბრაამს: „აღიხილენ თუალნი შენნი", დათვალიერე მთელი ეს მიწა, ყოველი მხრიდა...

...აბ 13:5–6). არამხოლოდ თავად პატრიარქს გაუმრავლდა ქონება, არამედ „ლოთისაც იყვნეს ცხოვარნი და ზროხანი და კარვები". შესაძლოა, ნაწილი თავად პატრიარქმა, გულუხვმა, აჩუქა ძმისწულს, ნაწილი კი სხვებმა მისცეს პატრიარქისადმი პატივისცემით. „და არა იტევდა მათ, — ნათქვამია, — ქუეყანა... რამეთუ იყო მონაგები მათი ფრიად" (დაბ 13:6). შეხედე, როგორ ხდება სიმდიდრის სიუხვე მაშინვე გაყოფის მიზეზი, წარმოშობს განხეთქილებას, არღვევს თანხმობას, წყვეტს ნათესაობის კავშირს: „და იქმნა ბრძოლაჲ შორის მწყემსთა საცხოვართა აბრაამისთა და შორის მწყემსთა ლოთისთასა. ხოლო ქანანელნი და ფერეზელნი მკჳდრ იყუნეს მაშინ ქუეყანასა მას" (დაბ 13:7). შეხედე, როგორ იწყებენ მსახურნი შუღლს; სწორედ აქედან წარმოიშობა ყოველთვის ბოროტება — მსახურთა ცუდი ზნისგან: „იქმნა, — ნათქვამია, — ბრძოლაჲ შორის მწყემსთა". ისინი აძლევენ გაყოფის საბაბს, არღვევენ თანხმობას, აშკარა მტრობას იჩენენ ერთმანეთის მიმართ. „ხოლო ქანანელნი და ფერეზელნი მკჳდრ იყუნეს მაშინ ქუეყანასა მას". რატომ შენიშნა ეს საღვთო წერილმა? რადგან თქვა, რომ „არა იტევდა მათ ქუეყანა დამკჳდრებად ზოგად", სურს მიზეზი აჩვენოს — იმიტომ „არა იტევდა", რომ ჯერ კიდევ ამ ხალხებით იყო დასახლებული....