შენიშნე, საყვარელო, როგორ ახლაც ღმერთი ყველაფერს ნათლად წინასწარმეტყველებს მართლისთვის, და რომ კიდევ უფრო დიდი დარწმუნება მისცეს, მის სახელს ახალ ასოს უმატებს და ამბობს: „იყო შენ მამაჲ მრავალთა თესლთა, არა გეწოდოს მერმეცა სახელი შენი აბრამ, არამედ აბრაჰამ, რამეთუ მამად მრავალთა თესლთა დაგდევ შენ". მისი წინანდელი სახელი (აბრამ) „გადასახლებას" ნიშნავდა (სიტყვა „აბრამ" ებრაულად „გადმოსახლებულს" ნიშნავს, როგორც ამ ენის მცოდნენი განმარტავენ); და რადგან ის თავისი მიწიდან ქანაანისკენ უნდა გამოსულიყო, მშობლებმა ეს სახელი დაარქვეს. ვინმე იტყვის: მშობლები ხომ ურწმუნონი იყვნენ; საიდან ჰქონდათ ასეთი წინასწარმეტყველება, რომ თავად სახელში გამოხატეს ის, რაც დიდი ხნის შემდეგ უნდა მომხდარიყო? ეს არის ღვთის განგების სიბრძნის საქმე, რომელიც ხშირად ურწმუნოთა მეშვეობითაც მოაწყობს ამგვარ შემთხვევებს. მსგავსი ბევრჯერ მომხდარა, როგორც ვხედავთ, სხვებთანაც; ახლა სწორედ ნოეს სახელდება გვახსენდება. მასაც არა უბრალოდ და არა შემთხვევით დაარქვეს მშობლებმა ეს სახელი, არამედ ხუთასი წლით ადრე წინასწარნიშნეს მომავალი წარღვნა. ხოლო რომ ნოეს მამამ არა...
დაბადებისა 17:7
6. და აღგაორძინო შენ ფრიად ფრიად და დაგდვა შენ ნათესავად, და მეფენი შენგან გამოვიდენ.7. და დავადგინო აღთქუმაჲ ჩემი შორის ჩემსა და შორის შენსა და შორის თესლისა შენისა ნათესავთა მიმართ მათთა აღთქუმად საუკუნოდ, ყოფად შენდა მე ღმრთად და თესლისა შენისა შენ თანა ქუეყანასა, რომელსა ჰმსხეობ, ყოველი ქუეყანაჲ ქანანისაჲ.8. მიგცე შენ და თესლსა შენსა შენ თანა სამკჳდრებელად საუკუნოდ და ვიყო მათდა ღმერთ.
დაბადებისა თავი 17