...რომელმა გულმოწყალე მამამ გამოიჩინა ასეთი მოშურნეობა თავისი შვილებისადმი, რა მოშურნეობაც მამამთავარმა გამოავლინა უცნობი, უცხო, მანამდე სრულებით ნაუცნობი ადამიანებისადმი? მაგრამ, რადგან დიდი მოშურნეობითა და დაჟინებით მიმართა, ნადავლიც მიიღო, ნანადირევი თავის მახეებშში ჩაიგდო. „და ჰრქუა: ეგრე ყავ, ვითარცა სთქუ" (). გაცოცხლდა მოხუცი; საუნჯე, ამბობს, ჩემს ხელშია; სიმდიდრე მივიღე; ახლა ჩემს სიბერესაც დავივიწყებ. და შეხედე, რა აღტაცებით იწყებს საქმეს, როგორ ილხენს სიხარულით და აღფრთოვანებულია, თითქოს აურაცხელ საუნჯეს ხელში ატარებდეს. „და შეისწრაფა აბრაჰამ კარვად" (). როგორც მაშინ, როცა მათკენ მიიჩქაროდა, საღვთო წერილმა მისი სისწრაფე და ცხელი მოშურნეობა აჩვენა სიტყვებით: „მირბიოდა შემთხუევად მათდა", ასევე ახლა, როცა ეს კაცები დაინახა და მიაღწია ნანატრს, ისევ არ ტოვებს თავის მოშურნეობას, არამედ კიდევ უფრო ცხელ სიყვარულს იჩენს და უფრო უზრუნველი არ ხდება იმიტომ, რომ სასურველს მიაღწია. ჩვენთან კი ხშირად ისე ხდება, რომ თავიდან ბევრ გულმოდგინებას ვიჩენთ, ხოლო, როცა თავად საქმეში შევუდგებით, უკვე არა ისეთ ძალისხმევას ვიჩენთ, როგორც ადრე. ასე არ მოიქცა მართალი, არამედ როგორ? კვლავ ჩქარობს მოხუცი დ...
დაბადებისა 18:5
4. მოვიღეთ წყალი და დაიბანნეთ ფერჴნი თქუენნი, და დაიგრილეთ ხესა ქუეშე.5. და მოვიღო პური და ჭამეთ. და ამის შემდგომად წარვედით გზასა თქუენსა, რომლისაგან მოაქციეთ მონისა მიმართ თქუენისა. და ჰრქუა: ეგრე ყავ, ვითარცა სთქუ.6. და შეისწრაფა აბრაჰამ კარვად სარრას მიმართ და ჰრქუა მას: ისწრაფე და შესუარე სამი საწყაული სამინდოჲ და შექმენ ყურბეულად.
დაბადებისა თავი 18