დაბადებისა 2:22

...იგი: „მოიყვანა იგი, — ამბობს, — ადამისსა". ესე იგი: რადგან ყოველ უტყვ ცხოველთა შორის შენი მსგავსი შემწე არ აღმოჩნდა, აი, რაც აღვუთქვი (ხოლო აღვუთქვი შენი მსგავსი შემწის შექმნა), აღვასრულე და შენ გაბარებ: „მოიყვანა იგი ადამისსა. და თქვა ადამ: აწ ესე ძუალი ძუალთა ჩემთაგანი და ჴორცი ჴორცთა ჩემთაგანი" (დაბ 2:22-23). შეხედე აქ, საყვარელო, როგორ (ადამს), ღვთისგან მინიჭებულ გამოუთქმელ სიბრძნესთან ერთად, რომელიც უტყვ ცხოველთა ამდენი ჯიშისთვის სახელების დარქმევაში გამოავლინა, კიდევ წინასწარმეტყველური ნიჭიც ეწყალობა. ამიტომ ნეტარმა წინასწარმეტყველმა (მოსემ) ზემოთ გვიჩვენა, რომ ძილთან ერთად განცვიფრებამაც მოიცვა ადამი, ისე, რომ მომხდარი სრულიად ვერ იგრძნო, — იმისთვის, რომ ახლა, როცა გაიგებ, რომ ადამი, ცოლის ხილვისას, მომხდარს ზუსტად ხსნის, სრულად დარწმუნდე: ის ამას წინასწარმეტყველური ნიჭით ამბობს, სულიწმიდის შთაგონებით წარმართული. ხომ მან არაფერი იცოდა მომხდარის შესახებ, და მაინც, როცა (ღმერთმა) ცოლი მოჰგვარა, თქვა: „აწ ესე ძუალი ძუალთა ჩემთაგანი და ჴორცი ჴორცთა ჩემთაგანი". ხოლო სხვა მთარგმნელი „ესე"-ს ნაცვლად ამბობს: „აჰა ერთხელ", რითაც გვანიშნებს, რომ ეს მხოლოდ ახლა მოხდა, შემდეგ კი ცოლის წარმოშობა აღარ იქნება ასეთი. ახლა, ამბობს,...