...იგი გეუბნება, და დაუჯერე მის სიტყვებს. შეხედეთ ახლა, რა მშვიდობა, რა ერთსულოვნება დამყარდა მათ თანაცხოვრებაში, როგორც კი ღვთის სახიერებამ მათი კავშირი განამტკიცა. „აღდგა, — ამბობს წერილი, — აბრაჰამ განთიად და მოიღო პური და თხიერითა წყალი და მისცა აგარს; და აღიკიდა იგი მჴართა თჳსთა და ყრმაჲ, და განვიდა იგი" (). კვლავ შენიშნეთ მართლის დიდი კეთილგონიერება და ის, თუ როგორ ავლენს ყველაფერში ღვთისმოსავ განწყობას. როცა სარრას სიტყვები მოისმინა — „განაძე მჴევალი და ძე მისი" — ეს უსიამოვნოდ მოეჩვენა, რადგან ისმაელის მიმართ სიყვარული იგრძნობოდა. მაგრამ როცა უფალმაც იგივე უბრძანა, მაშინვე აღასრულა ბრძანებული და ბუნებრივი სიყვარული დაივიწყა; ფიქრობდა, რომ, როგორც კი ღმერთი ბრძანებს, ყოველი ვნება უნდა განქარდეს, რადგან მბრძანებელი ბუნების უფალია. მაშ, მხევალმა, ამბობს წერილი, პურითა და ტიკით წყალი რომ აიღო, ყრმასთან ერთად „განვიდა". მაგრამ შეხედეთ კვლავ, როგორ ღირსდება ის ზეციური მზრუნველობითა და ღვთის კეთილგანწყობით მართლისადმი. აგარი, განდევნილი, უდაბნოში ეხეტებოდა და, წყლის გარეშე დარჩენილი, ვერსად პოულობდა ნუგეშს. „და დააგდო, — ამბობს წერილი, — ყრმაჲ იგი ქუეშე ნერგსა ერთსა" (). მისი...
დაბადებისა 21:14
13. ხოლო ძე-ცა ეგე მჴევლისა მაგის ვყო ნათესავად დიდად, რამეთუ თესლი შენი არს.14. ხოლო აღდგა აბრაჰამ განთიად და მოიღო პური და თხიერითა წყალი და მისცა აგარს. და აღიკიდა იგი მჴართა თჳსთა და ყრმაჲ. და განვიდა იგი და შესცთა უდაბნოსა ჯურღმულსა მას ზედა ფიცისასა.15. მოაკლდა წყალი იგი თხიერისაჲ მისგან და დააგდო ყრმაჲ იგი ქუეშე ნერგსა ერთსა.
დაბადებისა თავი 21