...ს, რომ ვიცოდეთ: არა მხოლოდ სულის მშვენიერება ჰქონდა, არამედ სხეულისაც. ახალგაზრდობის ყვავილში იყო; კეთილი სახე და მშვენიერი პირი ჰქონდა. ხოლო ამას წინასწარ ამბობს საღმრთო წერილი იმის ასახსნელად, როგორ აცდუნებდა ჭაბუკის სილამაზით ტყვეული ეგვიპტელი ქალი მას უკანონო შეუღლებისკენ. „და იყო შემდგომად სიტყჳსა ამის" (), — ნათქვამია. რას ნიშნავს „შემდგომად სიტყჳსა ამის"? ანუ — მთელ სახლზე ხელმწიფების მინიჭებისა და ბატონისგან ასეთი პატივით აღმატების შემდეგ. „თუალ-აგნა ცოლმან უფლისა თჳსისამან იოსებს" (). რა თავხედობა აღვირახსნილი ქალის მხრიდან! მან მხედველობაში არ მიიღო არც ის, რომ სახლში ქალბატონად ითვლება, არც ის, რომ იგი მონაა; არამედ, მისი სილამაზით ტყვეულმა და სატანურ ცეცხლს მიცემულმა, ჭაბუკზე თავდასხმა სცადა და, ეს ბილწი განზრახვა რომ ჰქონდა, მხოლოდ დროსა და განმარტოებას ეძებდა, რომელშიც დანაშაულებრივი ჩანაფიქრის აღსრულებას შეძლებდა. მაგრამ იოსებს, ნათქვამია, ეს არ უნდოდა; არ დაემორჩილა, არ უსმენდა მის სიტყვებს: იცოდა, რომ ეს საქმე წარწყმედას მოუტანდა, — და არა მხოლოდ საკუთარ თავზე ზრუნავდა, არამედ ცდილობდა, რამდენადაც შესაძლებელი იყო, ისიც შეეკავებინა ასეთი უგუნურებისა და დანაშაულებრივ...
დაბადებისა 39:7
6. და არღარა იცოდა, რასა იქმოდა იოსებ, გარნა პური, რომელ ჭამის მან. და იყო იოსებ კეთილ სახითა, შუენიერ ქმნულობითა.7. და იყო შემდგომად სიტყჳსა ამის, თუალ-აგნა ცოლმან უფლისა თჳსისამან იოსებს და ჰრქუა მას: დაწევ ჩემ თანა.8. ხოლო მან არა ინება და ჰრქუა ცოლსა მას უფლისა თჳსისასა: უკუეთუ უფალმან ჩემმან არა უწყის ჩემთჳს სახლსა შინა მისსა.
დაბადებისა თავი 39