თარგმანი: ამით საცნაურ არს შვილებასა ღმრთისასა ღირს-ქმნაჲ ჩუენი, რამეთუ ძისა მიერ თჳსისა მომცა ჩუენ სული წმიდაჲ, რომელი მამისაგან გამოვალს; და ვითარცა მამისა, და ეგრეთვე ძისა სულ არს. ხოლო ამას ადგილსა სულ ძისა უწოდს, რამეთუ ძისა მიერ მოგუეცემის: ხოლო "გულთა შინა ჩუენთა" ესე იგი არს —უხილავად და საცნაურად, არა ხილულად და გრძნობადად.
გალატელთა მიმართ 4:6
5. რაჲთა შჯულსა ქუეშე მყოფნი გამოიჴსნნეს და რაჲთა შვილებაჲ იგი მოვიღოთ.6. და რამეთუ ხართ შვილნი, გამოავლინა ღმერთმან სული ძისა თჳსისაჲ გულთა შინა ჩუენთა, რომლითა ვღაღადებთ: აბბა, მამაო.7. ამიერითგან არღარა ხართ მონა, არამედ შვილ; ხოლო უკუეთუ შვილ, მკჳდრცა ღმრთისა ქრისტეს მიერ.
გალატელთა მიმართ თავი 4