თარგმანი: სალამინი არს დედაქალაქი კჳპრისაჲ. ამისთჳს პირველად მუნ მივიდეს და პირველად შესაკრებელსა შინა ჰურიათასა იწყეს ქადაგებად სიტყუასა ღმრთისასა, რაჲთა არარაჲთ სცენ მათ მიზეზი დაბრკოლებისაჲ წარმართთა მიმართ მისლვითა, ხოლო თანა ჰყვანდა მარკოზ წოდებული იოვანე, არა მოციქულად, არამედ მოწაფედ მოციქულთა.
საქმე წმიდათა მოციქულთაჲ 13:5
4. ესენი უკუე ვითარცა წარიგზავნნეს სულისა მიერ წმიდისა, შთავიდეს სელევკიად , და მიერ ნავითა წიაღჴდეს კჳპრედ.5. და შე-რაჲ-ვიდეს სალამინდ, უთხრობდეს სიტყუასა მას ღმრთისასა შესაკრებელსა მას შორის ჰურიათასა; თანა ჰყვანდა იოვანეცა მსახურად.6. და ვითარცა მოვლეს ყოველი იგი ჭალაკი ვიდრე პაფოდმდე, პოვეს კაცი ვინმე მოგჳ, ცრუ წინაწარმეტყუელი, ჰურიაჲ, რომლისა სახელი ბარიისუ,
საქმე წმიდათა მოციქულთაჲ თავი 13