თარგმანი: თჳთ მოძღურებაჲ იგი ახლად განწესებული მოციქულთა და ხუცესთაჲ თავით თჳსით ჰყოფდა შეძინებასა მორწმუნეთა რიცხჳსასა ყოველთა შინა ეკლესიათა, რამეთუ რაჟამს ესმოდა წარმართთა პავლეს მიერ და ტიმოთესსა, ვითარმედ არღარას ვინ ძუელისა შჯულისა წესთა ტჳრთითა და წინა-დაცუეთითა დაუმძიმებს მათ, არამედ მხოლოდ ნათლის-ღებითა აღიჴოცებიან პირველ ქმნულნი ბრალნი, და რაჲთა მიერითგან განეყენნენ სიძვისაგან და მშთვრისა, სისხლის ჭამისა და ნაკერპავისა; და მოკლითა ამით სიტყჳთა მოიგონ ყოველი კეთილი, რაჲთა, რომელი თჳთ არა უნდეს, სხუასა არა უყონ.
საქმე წმიდათა მოციქულთაჲ 16:4
3. ამისი სათნო-უჩნდა პავლეს მის თანა განსლვაჲ. და მოიყვანა და წინა-დასცჳთა მას ჰურიათა მათთჳს, რომელნი იყვნეს მათ ადგილთა, რამეთუ უწყოდეს ყოველთა, ვითარმედ წარმართი იყო მამაჲ მისი.4. და ვითარცა განჰვლიდეს ქალაქებსა მას, ასწავებდეს მათ დამარხვად მოძღურებათა მათ, დამტკიცებულთა მოციქულთაგან და ხუცესთა, რომელნი-იგი იყვნეს იერუსალჱმს შინა.5. ხოლო ეკლესიანი იგი განმტკიცნებოდეს სარწმუნოებითა და შეეძინებოდა რიცხუსა მას დღითი-დღედ.
საქმე წმიდათა მოციქულთაჲ თავი 16