თარგმანი: წინა დაუდვა რაჲ, ჰურიათა ბრალი ღმრთისმკლველობისაჲ, ესოდენ უძლო მყუდროებით მხილებამან სიტყუათა მისთამან, ვიდრეღა თჳნიერ განმწარებისა და ჩემებისა ლმობიერითა გულითა შეინანეს და მათისავე სიტყჳსა მსგავსებითა სიყუარულით ძმად უწოდდეს მოციქულთა და ჰკითხვიდეს თუ რაჲ უღირს ყოფად, რომლითა აღიძარცონ ბრალი იგი.
საქმე წმიდათა მოციქულთაჲ 2:37
36. განცხადებულად უკუე უწყოდენ ყოველმან სახლმან ისრაჱლისამან, რამეთუ უფალ და ცხებულ ყო იგი ღმერთმან, ესე იესუ, რომელი თქუენ ჯუარს-აცუთ.37. ესმა რაჲ ესე, შეინანეს და ჰრქუეს პეტრეს და სხუათა მათ მოციქულთა: რაჲმე ვყოთ, კაცნო ძმანო?38. ხოლო პეტრე ჰრქუა მათ: შეინანეთ და ნათელ-იღეთ კაცად-კაცადმან თქუენმან სახელითა უფლისა იესუ ქრისტესითა მისატევებელად ცოდვათა, მიიღოთ ნიჭი სულისა წმიდისაჲ.
საქმე წმიდათა მოციქულთაჲ თავი 2