თარგმანი: მარადის ესევითარი ღონე უჴმს მოძღუართა, რაჲთა სიტყუათა მხილებისათა სიტკბოებითა რაჲთმე მოქენეობისაჲთა განჰზავებდენ, ვითარ-ესე აწ ჰყოფს პეტრე ერისა მიმართ ჰურიათაჲსა. და ვითარ-იგი პირველ წინამორბედი "ნაშობ იქედნისა" ეგრეთვე ესე "ნათესავ დრკუ" უწოდს.
საქმე წმიდათა მოციქულთაჲ 2:40
39. რამეთუ თქუენი არს აღთქუმაჲ და შვილთა თქუენთაჲ და ყოველთა შორიელთაჲ, რაოდენთა მოუწოდის უფალმან ღმერთმან ჩეუნმან.40. და სხჳთაცა მრავლითა სიტყჳთა უწამებდა, ჰლოცვიდა მათ და ეტყოდა: ცხოვნდით ნათესავისა ამის დრკუჲსაგან.41. და რომელთა-იგი სიხარულით შეიწყნარეს სიტყუაჲ მისი, ნათელ-იღეს და შეეძინნეს მას დღესა შინა სულნი ვითარ სამ ათასნი ოდენ.
საქმე წმიდათა მოციქულთაჲ თავი 2