...წინააღმდეგ აღდგეს; თავხედს არ აკავებ, უგუნურს არ არიგებ. ხოლო რა თქვა ამ ადამანტმა, ამ მამაცმა ღვთის მეომარმა, რომელიც ყველა შემთხვევაში გვირგვინებს მოიპოებდა? ამ შემთხვევაშიც თავის სათნოებას გამოავლენს, — შეხედე, რა უთხრა ცოლს: „აჰა, მჴევალი შენი ჴელთა შინა შენთა. იჴუმიე იგი, ვითარ-რაჲმეცა სათნო არს შენდა" (). დიდია მართლის სიბრძნისმოყვარეობა, დიდია მისი მოთმინების ძალა! არამხოლოდ არ აღშფოთდა სარას სიტყვებზე, არამედ დიდი სიმშვიდით პასუხს აძლევს და ეუბნება: შენ მეჭვი, რომ შენი შეურაცხყოფის მიზეზი მე ვარ, და ფიქრობ, თითქოს მე სასიამოვნოა ამ მხევლის საქციელი, იმიტომ, რომ ის ერთხელ ჩემს საწოლზე იყო; მაგრამ იცოდე, რომ ადრეც, შენი მორჩილება რომ არ მინდოდა, ამაზე არ გადავწყვეტდი და არასოდეს დავთანხმდებოდი მხევალი შენს საწოლზე აგვეყვანა; ახლაც, ამაში დაგარწმუნო რომ, — აი, იგი „ჴელთა შინა შენთა": აკეთე მასთან, რაც გსურს. განა ვინმემ შეგიმცირა შენი უფლება, ან დაკარგე შენი ძალაუფლება მასზე? თუმცა მე მივიღე იგი ჩემთან, მაგრამ შენ შენი ხელისუფლება გაქვს მასზე; იგი შენს ხელთაშია: ამხილე, შეაგონე, დასაჯე; რაც გინდა და რაც სურს შენს გულს, ის გაუკეთე; მხოლოდ ნუ სწუხხარ და ნუ მომაწერ ჩემს თავზე მის უგუნურ საქციელს. არა საკუთარი ვნებით აღძრულმა გ...
დაბადება 16:6
5. მაშინ უთხრა სარაიმ აბრამს: შენზეა ჩემი შეურაცხყოფა. მოგიწვინე ჩემი მხევალი და, როცა შეატყო, რომ ორსულადაა, დავმცირდი მის თვალში. ახლა უფალმა განგვსაჯოს.6. უთხრა აბრამმა სარაის: აჰა, შენს ხელთაა შენი მხევალი. როგორც გენებოს, ისე მოექეცი. მაშინ დაუწყო სარაიმ ჩაგვრა და გაექცა მას აგარი.7. ნახა იგი უფლის ანგელოზმა წყლის ჭასთან უდაბნოში, ჭასთან, შურის გზაზე რომ არის.
დაბადება თავი 16