...თა და ტიკით წყალი რომ აიღო, ყრმასთან ერთად „განვიდა". მაგრამ შეხედეთ კვლავ, როგორ ღირსდება ის ზეციური მზრუნველობითა და ღვთის კეთილგანწყობით მართლისადმი. აგარი, განდევნილი, უდაბნოში ეხეტებოდა და, წყლის გარეშე დარჩენილი, ვერსად პოულობდა ნუგეშს. „და დააგდო, — ამბობს წერილი, — ყრმაჲ იგი ქუეშე ნერგსა ერთსა" (). მისი გული მწუხარებითა და ძის სიყვარულით სტკიოდა და აი, „დაჯდა, — ნათქვამია, — წინაშე მისსა შორს, ვითარ ისრის სატყორცებელ, რამეთუ თქუა: არა ვიხილო სიკუდილი ძისა ჩემისა, და ვითარ ჯდა წინაშე მისსა, ღაღად-ყო ყრმამან მან და ტიროდა" (). მაგრამ მოწყალე და კაცთმოყვარე ღმერთმა, რომლის მზრუნველობა ჩვენ მიმართ ყოველგვარ მამისა და დედის სიყვარულს აღემატება, „შეისმინა ღმერთმან ჴმაჲ ყრმისაჲ მის ადგილით, სადა-იგი იყო" (), შეიწყალა ყრმა და აგარის ტანჯვის მიმართ შებრალებით აღივსო. მან მხოლოდ საკუთარი მარტოობის შეგრძნება მისცა და მაშინვე თავისი შეწევნა უბოძა. „და უწოდა, — ამბობს წერილი, — ანგელოზი უფლისა აგარს ზეცით და ჰრქუა: რაჲ არს, აგარ? ნუ გეშინინ, რამეთუ შეისმინა ღმერთმან ჴმაჲ ვედრებისა ყრმისა მაგის შენისა მიერ ადგილით, სადა-იგი არს"...
დაბადება 21:15
14. ადგა დილაადრიანად აბრაამი, აიღო პური, ერთი მათარა წყალი და მისცა აგარს, ზურგზე შეუსვა ბავშვი და გაუშვა. წავიდა ქალი და ხეტიალობდა ბერშებას უდაბნოში.15. გაუთავდა მათარაში წყალი და დასვა ბავშვი ერთი ბუჩქის ძირას.16. წავიდა და დაჯდა თავისთვის მოშორებით, საისრეზე, რადგან იფიქრა, ბავშვის სიკვდილს ვერ ვუყურებო. იჯდა მოშორებით და ხმამაღლა ტიროდა.
დაბადება თავი 21