დაბადება 39:9

...ა და საკუთარი სარგებლის გაცნობიერებინება შეეძლო. „და ჰრქუა", — ნათქვამია, — „ცოლსა მას უფლისა თჳსისასა" (ქალბატონი მონისგან იღებს რჩევას!): „უკუეთუ უფალმან ჩემმან არა უწყის ჩემთჳს სახლსა შინა მისსა" (დაბ 39:8) — „და ყოველივე, რაჲცა არს მისი, მომცა ჴელთა ჩემთა" (დაბ 39:9), — ამბობს. რა მადლიერება კაცისა! შეხედე, როგორ ჩამოთვლის თავისი ბატონის ქველმოქმედებებს, რათა აჩვენოს, რა უმადურობას იჩენს იგი ქმრის მიმართ. მე, ამბობს ის, მონა ვარ, უცხოტომელი, ტყვე, მისი ისეთი ნდობით ვსარგებლობ, რომ ყოველივე ჩემს ხელთაა, და ჩემი ხელმწიფებიდან არაფერი გამოურიცხავს, შენ გარდა; ყველაფერზე მე ვბატონობ, მხოლოდ მხოლოდ შენ ერთს გემორჩილები და ჩემს ხელმწიფებას გარეთ ხარ. მერე, გადამწყვეტი დარტყმის მისაყენებლად, ქმრის სიყვარულს შეახსენებს, მეუღლის მიმართ არამადლიერი ნუ იქნებიო, და ეუბნება: შენ იმიტომ არ ხარ ჩემს ხელმწიფებაში, „რამეთუ ცოლი ხარ შენ მისი". ხოლო თუ მისი ცოლი ხარ, „და ვითარ ვქმნე საქმე ბოროტი და ვცოდო წინაშე ღმრთისა?" (დაბ 39:9). რადგან ის შემთხვევას ეძებდა, მასთან მარტო დარჩენილიყო და დრო გამოეცადა, ქმრისა და ყველა შინაურის თვალისგან მოშორებით, ის ეუბნება: როგ...