...*, ესე იგი, ვისთვისაც სამეფო წინასწარ განმზადებულია. ამიტომ იგი არის „მოლოდება წარმართთა". იხილე, როგორ ლაპარაკობს უკვე წარმართთა მომავალ ცხონებაზე. „და იგი, — ამბობს, — არს მოლოდება წარმართთა": მის მოსვლას წარმართები ელოდებიან. „და გამოაბას ვენაჴსა კიცჳ მისი და რქასა ვენაჴისსა კიცჳ ვირისა მისისაჲ" (); ვირთა ხატით კვლავ წარმართთა მოქცევას წინასწარმეტყველებს. რადგან ვირი უწმინდურ ცხოველად ითვლებოდა, იაკობი ამბობს, რომ ამ უწმინდურ წარმართულ ერებს ისეთი სიმსუბუქით მოიქცევს, თითქოს ვიღაცამ ვირის კიცვი ვაზის რტოსთან მიაბა, — ამით ძალაუფლების სიდიადესაც და ხალხთა დიდ მორჩილებასაც გამოხატავს. ეს ვირის დიდი სიმშვიდის ნიშანია, რომ არ ეწინააღმდეგება, როცა ვაზის რტოსთან აბამენ. ხოლო ვაზს თავადვე ამსგავსებდა ქრისტე თავის სწავლებას: „მე ვარ ვენაჴი ჭეშმარიტი, და მამაჲ ჩემი მოქმედი არს" (). ვაზის რტოებად კი ქრისტეს მცნებათა სიმშვიდესა და სჯულის სიმსუბუქეს უწოდა და ამით წინასწარმეტყველებდა, რომ წარმართები იუდეველებზე უფრო ადვილად მოიქცევიან სარწმუნოებისკენ. „განრცხეს ღჳნითა სამოსელი თჳსი და სისხლითა ყურძნისათა მოსაბლარდნელი თჳსი".
დაბადება 49:11
10. არ წაერთმევა კვერთხი იუდას, არც არგანი ფერხთა შუიდან, ვიდრე არ მოვა მისი მფლობელი და ის იქნება იმედი ხალხთა.11. ვაზზე უბია თავისი ჩოჩორი, ვენახის ლერწზე - თავისი ვირის ნაშიერი; ღვინოში რეცხავს თავის სამოსელს, და ყურძნის სისხლში - თავის ტანსაცმელს.12. თვალები მისი - ღვინის უწითლესი, კბილები მისი - რძის უთეთრესი.
დაბადება თავი 49