დაბადება 49:8

...რ აუწყებს, რომელიც ამის გამო ელოდათ: „განვყუნე იგინი იაკობსა შორის და განვსთესნე იგინი ისრაჱლსა შორის" (დაბ 49:7). ისინი, ამბობს, ყველგან გაიფანტებიან, რათა ყველასთვის ცნობილი იყოს, რომ ეს თავიანთი თავხედი საქციელის სასჯელად დაითმინეს. „იუდა, შენ გაქებდედ ძმანი შენნი" (დაბ 49:8). იუდას მიცემული კურთხევა საიდუმლოებითია: იგი ყველაფერს წინასწარმეტყველებდა, რაც ქრისტეს ეხებოდა. „იუდა, — ამბობს, — შენ გაქებდედ ძმანი შენნი". რადგან ღვთის განგებულებით მას ამ ტომიდან უნდა ეშვა, სულიწმიდით აღძრული იუდასადმი მიმართულ სიტყვებში წინასწარმეტყველებს არა მხოლოდ უფლის ადამიანთა შორის მოსვლას, არამედ ხორცშესხმის საიდუმლოსაც, ჯვარსაც და დაფლვასაც, და აღდგომასაც, ერთი სიტყვით: ყველაფერს. „იუდა, — ამბობს, — შენ გაქებდედ ძმანი შენნი ჴელნი შენნი ზურგსა მტერთა შენთასა; თაყუანის-გცემდენ შენ ძენი მამისა შენისანი", ამით იმ დამორჩილებაზე მიუთითებს, რომელსაც გამოიჩენენ. „ლეკჳ ლომის იუდა, მცენარისაგან, შჳლო ჩემო, აღმოჴედ"; მის სამეფოს წინასწარმეტყველებს, რადგან წმიდა წერილში ამ ცხოველის — ლომის — ხატით ჩვეულებრივ სამეფო თვითმპყრობელობა გამოისახება. **„მიწოლით დაიძინო, ვითარცა ლომმან და ვითარცა ლეკუმან ლომისამან, ვინმე...