დაბადება 9:27

...იყვარულე მამა; და სურდა არა იმდენი სათანადო სასჯელის დაკისრება, რამდენიც ბოროტების შემდგომი გავრცელების აღკვეთა. იმიტომ, ამბობს, გისჯი მონობით, რომ მუდმივი და წაუშლელი შეხსენება (შენი ცოდვის) გქონდეს. შემდეგ ამბობს: «განავრცენ ღმერთმან იაფეთ და დაემკჳდრენინ საყოფელთა შინა სემისთა. და იქმენინ ქანან მონა მისა» (დაბ 9:27). ესეც კვლავ უდიდესი კურთხევაა, რომელშიც, შესაძლოა, რაღაც დაფარული საუნჯე ძევს. «განავრცენ», ამბობს, «ღმერთმან იაფეთ». არ შეცდება, ვინც იტყვის, რომ ამ მართლის კურთხევები წინასწარმეტყველებაა. მართლაც, თუ მის მამას ასეთი სახელი (ნოე) არა უმიზნოდ და არა ამაოდ დაარქვა, არამედ იმისთვის, რომ ამ სახელით მომავალ წარღვნას წინასწარ ეუწყებინა, მით უმეტეს ამ მართალმაც არა უმიზნოდ და არა ამაოდ წარმოთქვა თავისი კურთხევები. ამ კურთხევებით, სემისა და იაფეთისთვის წარმოთქმულით, ის, მგონია, ორი ხალხის მოწოდება წინასწარმეტყველა, კერძოდ: სემის მეშვეობით — იუდეველთა, რადგან მისგან წარმოიშვა პატრიარქი აბრაამი და იუდეველთა ხალხი, ხოლო იაფეთის მეშვეობით — წარმართთა მოწოდება. ასე რომ, აი რა წინასწარმეტყველება შეიცავს ეს კურთხევა: «განავრცენ ღმერთმან იაფეთ და დაემკჳდრენინ საყოფელთა შინა სემისთა». ეს მართლაც, როგორც ვხედავთ, წარმართთა მიმართ ა...