...არამედ ის, ვინც გაიხრწნა და ამდენი წელი მიწაში აქვს, მათთან ერთად შეხვდება, და ასევე ყველა დანარჩენიც. რადგან თუ ისინი ჩვენ გველოდნენ, რათა გვირგვინი მიგვეღო, როგორც სხვაგან წერს: „რამეთუ ღმერთმან ჩუენთჳს უმჯობესი წინაწარ განიგულა, რაჲთა არა თჳნიერ ჩუენსა სრულ იქმნენ.“ (), მით უმეტეს ჩვენც ველით მათ; უფრო სწორად, ისინი ელოდნენ, ჩვენ კი აღარ ველით, რადგან აღდგომა ხდება „მეყსა შინა წამსა თუალისა“ ().
ხოლო ის, რომ ამბობს, „იკრიბებიან", ამას ცხადყოფს: აღდგებიან ყველგან, ხოლო ანგელოზების მიერ იკრიბებიან. ამრიგად, აღდგომა ღმერთის ძალის საქმეა: იგი მიწას უბრძანებს, დანადები გამოუშვას, და ამ საქმეს არავინ ემსახურება; როგორც მაშინ ლაზარეს უხმო: „ლაზარე, გამოვედ გარე!“ (). ხოლო მოყვანა მსახურთა საქმეა. მაგრამ თუ ანგელოზები კრებენ და გარშემო მიმოდიან, ისინი აქ როგორ არიან ატაცებულნი?...