ეფესელთა მიმართ 1:3

თარგმანი: ჩუენი ღმერთი არს ბუნებით, ხოლო უფლისა ჩუენისა იესუ ქრისტეს მამაჲ ბუნებით. და კუალად, ჩუენი მამაჲ არს განგებულებით, და მისდა ღმრთად ითქუმის განგებულებით, ჴორცთა მათთჳს, რომელნი ჩუენგან შეისხნა ჭეშმარიტებით.

...ორას წელიწადში ექვსასი ათასი გახდნენ. მაგრამ მაშინ კურთხევა ამაში იყო, ახლა კი ახალ აღთქმაში - ბევრად უმჯობესში. ამიტომ ამბობს პავლე: „კურთხეულ არს ღმერთი და მამაჲ უფლისა ჩუენისა იესუ ქრისტესი, რომელმან მაკურთხნა ჩუენ ყოვლითა კურთხევითა სულიერითა ცათა შინა ქრისტეს მიერ“ (ეფეს 1:3). და კვლავ: „ხოლო რომელი-იგი შემძლებელ არს უფროჲს ყოვლისა ყოფად უმეტეს, რომელსა-იგი ვითხოვთ გინა თუ ვსცნობთ“ (ეფეს 3:20), „მისა დიდებაჲ ეკლესიასა შინა“ (ეფეს 3:21). სწორედ ამიტომ ძველად წინასწარმეტყველებიც, როცა სიკეთის მინიჭებას ესწრაფოდნენ, ამგვარ კურთხევას ანიჭებდნენ. ელისე, მაგალითად, მასპინძელ ქალს შვილის მინიჭებით მიუზღავს. ახალ აღთქმაში კი ეს აღარ არის, არამედ ბევრად უფრო დიდი რამ. მეწამულით მოვაჭრე ქალი მოციქულებისგან ამას კი არ ითხოვდა, არამედ რას? „უკუეთუ შეგირაცხიე მე მორწმუნედ უფლისა, შემოვედით ვანად ჩემდა და მუნ დაადგერით“ (საქმ 16:15). ხედავ, რაოდენ დიდია შუალედი, და რას ითხოვდნე...